Éxodo 16:20 - Sharanahua: Diospan Tsain

²⁰ Nannori ato yoifiano atirifoan nicatama nan tushu huafo mucunifo shafa futsa iyoconaino pipaiquin. Ascano funamarishta oianfo nan tushu huaitafo muran shunanhuanrasi ichapacoin ini. Fasi shuna tsopi tsopi iqui futsui. Fuputapaiquin a muran shutuafo fasi pisicoin oin Moisés ahuun caifo Israelifoqui sinacoinni.

Éxodo 16:20 ပူးပေါင်းရင်းမြစ်များ

Éxodo 16:19

Ascatan man fiafoanno Moisés ato yoini isca huaquin, —Na tushu piquin tushuhuayamacahuun iyoconaino man pitiromaran, —ishon ato Moisés yoini.

Éxodo 16:21

Ascano funamaritifi nan yopaifo cusca Israelifoan nan pushutififain nan misi cuscaran tushu finifo. Ascano fari isinnaino nan tushu misi cuscaran fari tsacaino nan misi cuscaran afain futsuacai tsoan afanan fitiro inima.

Éxodo 16:24

Ascano nan Moisés ato yonoa cusca nan aton tushu tushuaiton mucuafo iyoconaino shara ini. A muran shuna iyamacain pisicai afanan tohuunima.

Números 12:3

Moiséscai curafiapaimisima. Tsoa futsacai Moisés cuscarama. Nantocai futsafo finonpaimisima. Manifoti anoacai tsoa a cuscara sharama. Nantofin Diosi fusti tanapaisharaiquin.

Números 16:15

Nannori huaifoan nicaquin Moisés atoqui sinaquin nocon Ifo Diosi cufini isca huaquin, —Nafoan mia ahuarafo ismapai min ato catonon. Ascafia ato catonyamahuu, Ifon. Uncai ato ahuara fustishta fianmisima. Aton burro fustishtacai un ato fianmisima. Uncai ato chaca huamisimaran, —ishon Moisés nocon Ifo Diosi cufini.

Mateo 6:19

Ascan nuno mai ano niyoshon mafo ichapa mucuyamacahuun. Nanfo chacanai futsuaino man funotiro. Yomutsori maton pushu muran iquishon nantifi maton mafo onuntiro. Ascaino marifi man funocoin.

Marcos 10:14

Anori huafiaifono nicatama Jesús atoqui unimatama yoini, —Asca huayamacahuun. Facufo uqui funonfo. Ato nitun huayamacahuun. Uhuun Upa Diosin niaifo icanori facumishti cuscaraforiquin. Facufoan ua icoinra huacoinnafo. Nai muran Uhuun Upa icano nanscarifi aafoquin, —ishon ato yoini.

Marcos 3:5

Ascatan sinaquin ato oiancutan ahuun nomuran fasi shinain, —¡Ohuashta! ¿Ahuuscashon aton nomuran shinanchacamisifomun? Ua icoinra huacatama, —ishon shinanni. Ascashon a nocofunu musufimua yoini, —Min mucu mushan huahuun, —huaino. Yonoa cuscan mushaniquin. Ascashu ahuun mucu muma sharacoin iriscatani.

Lucas 12:15

Afanan ato yoiqui isca huani, —Ua nicacahuun. Matonama fuchipaiyamacahuun. Ahuara ayafiashon afanan finonmafain fipairiyamacahuun. Mafo ichapayahuunoashucai non unimatiroma. Nocon mafocai nocon ointi unimamatiroma. Nocon mafohuunoashucai non isharatiromaran, —ishon ato yoini.

Lucas 12:33

Maton mafo inanmitsacahuun ahuun rafanan pui fishon yora ahuuomafo inanshcaquin. Man ascaiton Diosin nan icanoshon mato ahuara sharacoinfo mucushoni. Nanfocai cuyopacunacama. Coroisin nanfo piquin chacana huayamainocai yomutsori ano iquitiroma ahuara mato fianshquin.

Efesios 4:26

Man mua sinai matsiriscacahuun. Man ascayamaino man chaca huatiroquin. Ascacun fari cataima matsicahuun.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.