Éxodo 14:31 - Sharanahua: Diospan Tsain

³¹ Nan noco Ifo Diosin ahuun curushhuunshon Egipciofo nama cusca Israelifoan oincaquin yoinifo isca huaquin, —¡Aicho! Nocon Ifo Diosin ahuamamishti huatiro, —ishon yoinifo. Ascashon nocon Ifo Diosihuunoa yoisharafain a icoinran huafain nan ahuun oinmati Moisésrifin icoinra huanifo.

Éxodo 14:31 ပူးပေါင်းရင်းမြစ်များ

Éxodo 19:9

Ascashon afanan nocon Ifo Diosin Moisés yoini isca huaquin, —Un matoqui nai coin cushtocoin muran oshquin un mia yoiai cusca min caifofo nicashon mia icoinra huapanonfo, —ishon nocon Ifo Diosin Moisés yoini. Ascan ahuun yorafo yoiafo cusca Moisés ahuun Ifo Diosi yoini.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Lucas 8:13

Ascan nan toquiri camaqui mai ichapama cuscan nanscarifiai yorafoan Diosin tsain nicaquin tau huai unimacoinyofiashu ahuara ahuuscaraino samamashta cachiquiri huatiro. Nanfoan Diospan tsain icoinra huaqui chai huashoma ahuara chaca finonquin samamashta Dios cachiquiri huatirofo.

Juan 11:45

Ascaiton a nocon caifo María fu rafuafoan oincaquifin Jesús icoinra huanifoquin.

Juan 2:11

Ahuamamishti yora atiroma cuscan huatiroshaquin Jesús nanno nan pushurasi Caná ano tau huaquin noco ismaniquin. Ato ismani aamain Diospan Facucoinshofin ahuunshon ahuamamishti tsoan oinmisima cuscara huatiroquin. Ascano oincashon non afu rafumisifoan man non icoinra huani. —Icoinfin Jesús Diospan Facucoinran, —ishon non shinanniquin.

Hechos 8:13

Nan Simón arifi icoinra huacun unu muran iquimani. Ascano Felipen Jesucristohuunshon ahuamamishti yoran atiroma cuscan huaiton oin fasi mustairini. Ascashon Simón Felipe mufoanfafainni acaiton oinquin.

Hebreos 3:5

Ascan Moisésfin Upa Diospan oinmatiquin. Upa Diosin ahuun yora nan Israelifo ato yonopaiyai cuscan iquisi Moisés yoiyoni. Ascacun arifi nantifi ato yoinon. Inon pacoai ato yoipaiyai cuscan Moisés tapimayoni ahuun caifori ato yoinon.

Josué 24:7

Ascan maton shunifoan ua fasi cufinnifo un ato numanon. Ascano un ato yafi Egipciofo faquishihuan nushmancayan huashoni Egipciofoan ato oinnonfoma. Ascashon un unuhuan oshi muran Egipciofo asamani nai futsunonfo. Un Egipciofo asamani cuscafin man man oinniquin. “Ascano man fari ichapa tsoa istaipama ano iyopaoni.

Josué 4:14

Ascano nan shafata nocon Ifo Diosin aton nomuran shinanmana cuscan Josuéhuunoa Israelifoan shinansharanifo. —Noco murancai tsoa futsa Josué cuscaramaran, —ishon ahuunoa yoinifo. Nan Moiséshuunoa shinansharanifo cuscan huaquin Josuéhuunoari nan niyoano nannori ahuunoa shinansharanifo.

Josué 4:24

Noco asca huashoaiton nantifi manifotifain tapinonfo nocon Ifo Diosi ahuun curushhuunshon ahuamamishti huatiro. Ascacun norifi nocon Ifo Diosihuunoa non shinansharapacunaca noco yonoai cuscan non anon, —ishon Josué ahuun caifofo yoini.

1 Samuel 12:16

Natian nunoshon manayocahuun nocon Ifo Diosin ahuamamishti huatiro cuscan mato ismanon.

1 Samuel 12:18

Ascashon nan Samuel cufian cuscan nan shafata nocon Ifo Diosin cana pishimafain oinhuanrasi fumariscatani. Ascaino nantifi Israelifoan shinanni isca huaquin, —Tsoa futsacai nocon Ifo Diosi cuscarama. Atofin ahuamamishti huatiroquin. Nocon caifo murancai tsoa futsa Samuel cuscarama. Nocon Ifo Diosi cufian cuscan nicacointiroran, —ishon yoinifo.