Éxodo 14:17 - Sharanahua: Diospan Tsain

¹⁷ Unfin Egipciofoan aton nomuran shinanchacamanicai mato mufainonfo. Nan aton niaifo Faraón non ahuun ranushumuafo non aton taramutifoya non aton caballofo non caballo camaqui camisifori un ahuamamishti huatiro cusca un ato ismai un ahuamamishti huatiro nantififain uhuunoa tapinonfo.

Éxodo 14:17 ပူးပေါင်းရင်းမြစ်များ

Génesis 50:9

Yorafo caballo taramutiyaton José fu fonifo. Yora ichaparasi a fu fonifo.

Génesis 6:17

Min anaitiano un oihuanrasi fumai faitahuanun nantifi maitio fuponon. Ascaino nantifi mai anoafo nai futsucani.

Génesis 9:9

—Un mato yoiai cuscan man icoinra huatiro. Uhuun tsaincai fianananpacunacama. Nan un mato yoiai cuscan nannoricoin uhuun tsain mato funafo un ato yoishquin.

Éxodo 14:23

Nanscatanaino Egipciofoan Israelifo mufaintan arifi unuhuan nushmancayan pocufainpainifo. Faraón ahuun ranushumuafo non aton caballofo non nantifi unuhuan nushmancayan Israelifo mufainnifo.

Éxodo 14:4

Ascano un afanan Faraón ahuun nomuran curush huamai cusca afanan min caifohuunoa shinanchacai. Matohuunoa nannori shinanquin ahuun ranushumuafoyashon mato mufaini focani mato afanan achishcaquin. Ascafia un acai cusca nantifi yorafoan tapitirofo tsoa futsacai ua cuscara sharama. Ascashon tapitirofo un ahuamamishti huatiro. Nanscacufin Egipciofoan tapicaniquin unfin Ifo Diosiquin, —ishon nocon Ifo Diosin yoini. Nan nocon Ifo Diosin ato yononi cusca Israelifoan huanifo.

Éxodo 14:8

Nan Israelifocai tsoashta ratunima Egipcio mai anoashu foaifotian. Nocon Ifo Diosin Egipciofoan aton niaifo Faraón ahuun nomuran curush huamani Israelifo mufaitan ato achinon.

Éxodo 4:21

Ascano afanan nocon Ifo Diosin Moisés yoini isca huaquin, —Minfin uhuunshon ahuamamishti huatiroquin. Ascano nan min Egipcio mai ano nocoaitian niaifo Faraón ano catahuun min uhuunshon ahuamamishti huatiro cusca ismashquin. Ascafia unfin Faraón ahuun nomuran shinanmanicai min yorafo ato nichinonma.

Éxodo 4:23

Un mia yonoicai uhuun facufo min mai arishon ato nichihuun ua cufinonfo. Nan ua noicoiainfoan ua nicasharai cuscan ua ismanonfo. Nannori un mia yonofiaiton mian nicacasma. Nanfofin uhuun facu cuscarafoquin. Min ato nichi casmai mia anoashu fononfoma. Ascacun chipo un min furun iyoa un namashquiran,’ ” —ishon Diosin Faraón yoini.

Éxodo 7:3

Nannori min yoiquin huafiacai Faraón mia nicapaima. Un Faraón ahuun nomuran curush huamai min yorafo nichinonma. Ato nichicasmaino uhuun yono ahuun mai Egipcio ano un ismai. Nantifi ahuun yorafoyashon ointiro un ahuamamishti huatiro cuscan.

Romanos 9:18

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.