Efesios 6:18 - Sharanahua: Diospan Tsain

¹⁸ Ascacun Diospan Yoshin Sharahuunshon Dios unutama cufifafaincahuun. Aqui mutoi futsucaquima. Ahuara futsa ahuuscarai cuscan Upa Dios cuficahuun. Ointiaquimacaquima. Upa Dios cufifafaincahuun. Nantifi Jesús icoinra huafo ato cufishofafaincahuun.

Efesios 6:18 ပူးပေါင်းရင်းမြစ်များ

Daniel 6:10

Ascan niaifoan cununi cuscan Daniel nicain ahuun pushu ano cani. Pushu cunu futsa fomancaya inashon shoi ventana Jerusalenhuuri fupuni. Nannoshon imisi cuscan ratoconun mai chachishon Daniel nocon Ifo Diosi cufini. Shafatifi cufinquin rafu non fusti huani. Nocon Ifo Diosi cufinquin ahuunoa shara yoiquin aichoran huani.

Daniel 9:20

Ascashon uhuun Ifo Diosi un cufinquin uhuun chaca yoini uhuun yora Israelifohuunoa aton chacari un yoini Diospan machi sharahuunoa un cufini.

Mateo 17:21

Ascan man Upa Dios cufiyanan piqui tunuyamashocai nan na cuscara yoshin chaca man potatiromaran, —ishon Jesús noco yoini.

Mateo 26:41

Oshacaquima. Dios cuficahuun Satanás mato chaca huamapaiyai cuscan huashcaquima. Ascashon Diosin mato amapaiyai cuscan marifi huapaifiaquicai Diospan curushyamainocai man atiromaran, —ishon Jesús ato yoini.

Marcos 13:33

Un afanan oaitian tsoan tapiama. Ascacufin oinfain. Itisharacahuun.

Marcos 14:38

Oshaquima. Dios fu tsainhuun Satanás mato chaca huamapaiyai cuscan anonma. Maton nomuran Diosin mato imapaiyai cuscan marifi nanscasi huapaifiaquicai mafin man atiromaquin, —ishon Jesús Pedro yoini.

Lucas 21:36

Ascacun itisharayanan Upa Dios cufifafaincahuun omitsiscaitian ahuun curushhuunshon mato amapaiyai cuscacoin huashcaquin. Ascashu man chipo uqui nocoaitian un matoqui unimatiroran, —ishon Jesús ato yoini.

Lucas 22:46

Atoqui nocoshon oian oshafoan ato yoini, —Ahuuscain Upa cufitama man oshariai. Ascaquima Upa cuficahuun yoshin chacapan mato chaca huamapaiyai cuscan huashcaquima. Ua potashquimari cuficahuun, —ato huani.

Lucas 3:26

Nagai ahuun apa Maat. Maat ahuun apa Matatías. Matatías ahuun apa Semei. Semei ahuun apa Josec. Josec ahuun apa Judá.

Lucas 3:37

Lamec ahuun apa Matusalén. Matusalén ahuun apa Enoc. Enoc ahuun apa Jared. Jared ahuun apa Mahalaleel. Mahalaleel ahuun apa Cainán.

Hechos 10:2

A non ahuun yorafori Diosquiri shinansharamisifo. Nocofunu fasi shara. Ahuuomafo ato inanmisi. Dios cufifafainmisi.

Hechos 12:5

Ascano Pedro cunu muran iquimanaiton Jesús icoinra huafoan fasi Upa Dios cufishonifo.

Hechos 6:4

Ascan nonfin shafatifi Upa Dios cufifafainicain ahuun tsainri yoishquin, —ishon yoinifo.

Romanos 12:12

Upa Diosin mato shara huashoshquiai cuscan shinancahuun. Nanfo shinain unimacahuun. Ascan omitsiscafiain funayamacahuun. Upa Dios cufinquin unuyamacahuun.

Romanos 8:15

Ahuun Yoshin Shara noco shinansharamapai non afanan ratunonma. Nonfin Diospan Yoshin Shara fiacun nanton ahuun facufo noco ima. Ahuunshon non yoitiro isca huaquin, —Upa Diosin min uhuun Upashtaran, —ishon non yoitiro.

Gálatas 4:6

Icon manfin natian Diospan facufoquin. Nanscacun ahuun Yoshin Shara nocoqui nichini ahuunshon nocon nomuranshon Dios yoitiro isca huaquin, —Upashtan minfin uhuun Upacoinquin, —ishon non yoitiro.

Efesios 3:8

Shinancapon. Uncai ahuama. Nantifi Diospan yorafoan ua finoncoianfo. Ascafia Upan Diosin uhuun ramapaiquin ua catonni mani futsafo un tsain shara Cristohuunoa un ato yoinon. Aafi ahuun yorafo inain cuscan fasi sharacapacoin. Tsoancai ascara shara oinyomisima. Cristo noco shara huaquin futsai cuscacai tsoashta tapiyomisifoma.

Efesios 6:19

Ascashon uarifi cufishocahuun Diospan Yoshin Sharahuunshon ahuun tsain shara ranotama un ato yoifafainon. Nan uhuun caifomafohuunoashuri Jesús ato nashoni un yoinon.

Filipenses 4:6

Ascano shinanchacayamacahuun. Ascatamarocon ahuara ahuuscarafiaino Upa Dios cuficahuun. Man yopai cuscari a yoicahuun. Man cufiaino Upa Dios yoicahuun isca huaquin, —¡Aicho! Upa, min ua nicasharamisi un yopai cuscan min tapishon min ua ashosharamisiran, —ishon cuficahuun.

Colosenses 1:3

Un mato fasi ichapa shinain. Nan nocon Ifo Jesucristo Apa Dios non mato cufishofafaini. Ascan man non nica man Jesús icoinra huacoincun. Ascashon nan Jesús icoinra huaa futsafohuun man noicoianri man non nicamisi. Ascacun non nocon Upa Diosin yoiquin isca huamisi, —¡Aicho! Upa Diosin Colosas anoafoan min Furun Jesús man tanasharaforan, —ishon mato cufishofafaini.

Colosenses 4:2

Ascacun Upa Dios cufinquin unuyamacahuun. Cufinquin ahuara futsa shinancaquima. Upa Dios iconcoin fusti cufinquin isca huafafaincahuun, —¡Aicho! Upa Diosin min ua shara huafafainiran, —ishon cuficahuun.

1 Tesalonicenses 5:17

Dios fu tsainfafaincahuun.

1 Timoteo 2:1

Natian tsain futsa un mia yoinon. Ua nicasharapun. Upa Dios cufifafaihuun. Nanfin fasi shara finacoianquin. Ahua futsacai ascarama. Nantifi yorafohuunshon Upa Dios cufihuun ahuun Yoshin Shara yopaifo cuscan ato cufishohuun. Diosin atohuun ramapainon cufishofain Diosin ato amapaiyai cuscan cufihuun nanscasi huanonfo. Atohuunoa Upa Dios yoihuu isca huaquin, —¡Aicho! Upa Diosin min na yorafo shara huashoshquiran, —ishon cufinquin nannori yoihuu.

2 Timoteo 1:3

Ascan uhuun shunifoan Upa Dios yonoshonifo cuscan huafain urifi nansca huamisi. Uhuun nomuranshon ahuashta uhuunoa chaca shinantama un yonoshoni. Ascashon un Upa Dios mihuunoa cufinquin un, —¡Aicho! Upa Diosin, —huafafaini.

Hebreos 5:7

Jesús mai ano iyoashu omitsiscapaoni. Ascashu nocohuunoashu naitian oi ashcafinin uaiyanan Apa Dios cufinquin isca huani, —Upashtan, mian numapaiquin mian numatiro un nanonma. Ascafia un apaiyai cuscan huaima nan mian amapaiyai cuscan fusti ua huahuun, —ishon Apa Dios yoini. Ascashon nan Apa amapaiyai cuscan fustisi shinanquin cufiai cuscan nicacoinni.

1 Pedro 4:7

Ascacun tsain futsari un mato yoinon. Shinancapon. Nantifi manifoti man cuyoti chaima. Ascacun cayacafi shinansharacahuun. Ahua chaca shinantamarocon Upa Diosin mato shinanmapaiyai cuscan nan fusti shinancahuun. Ascashon Upa Dios cufifafaincahuun.

Judas 1:20

Asca chaca huafiacanashu. Uhuun yoramishtichin man Jesús icoinra huaa cuscan Upa Diosin mato shinanmana. Ascacun ahuunshon finacaiquin tapicahuun man icoinra huahuunoashu nan cuscara shara ishcaquin. Diospan Yoshin Sharahuunshon Upa Dios cuficahuun mato imapaiyai cuscan tapishcaquin.

1 Samuel 1:12

Anapan ahuun nomuranshon cufiainton Elí ahuun ashfa oinni.