Efesios 5:13 - Sharanahua: Diospan Tsain

^13-14 Faquish muran chashamashon non oinsharatiro. Nanscarifi aquin yoran chaca huashon fomanpaifiaiton Diospan tsainhuunshon aton chaca shafacafi tapitirofo. Ascano Diospan tsain yoini isca huaquin, “¡Oinfain! Man Diosihuunoa shinanyamai man naa cuscaracoinfo. Afanan ascayamacahuun. Oshapacui cuscara iyamacahuun. Funinifoancahuun. Maton chaca shatucahuun Diosihuunoa shinashcaquin. Man ascaiton Criston maton chaca soashofain shafacafi mato oinmatiro Dios man tanasharanon.”

Efesios 5:13 ပူးပေါင်းရင်းမြစ်များ

1 Corintios 4:5

Jesús icoinra huafoti Upan Diosin noco ichanan huataima. Ascan isca huaquin yoiyamacahuun —Nacai Diosin yonoa cuscan aimaran, —ishon anori shinanyamacahuun. Oinyocaquin. Nocon Ifoan noco ichanan huaitian nantifi noco puashoshquin nantifiton ointaifi ratofoanmain icoinra huaa iyamarai icoinmaran huaaquin. Ascatari nan non ichanaintian nantifiton ointaifi nocon nomuran non shinanmisi cuscan huafain nocon Ifon Jesucristo noco puashoshquin. Afanancai nantiantan non ahuashta fomantiro ishquima. Diosinmain nantifi onancoincufin. Nan non ahuara futsa shara huashopaifain onushta ahuara non chaca huafiamisi nanfori Diosin noco puashoshquin. Nantianri non shara huacun Diosin yoiquin isca huashquin, —¡Aicho! Un mia yonoa cuscan min amisi. Min shara huamisiran, —ishon noco yoishquin.

Efesios 5:12

Ascan chaca huaifo cuscarahuunoa tsainyamacahuun. Nan chaca huaifo cuscan yoiquifin marifi man chaca huatiroquin. Ascashu man rafipaitiro.

Hebreos 1:13

Afanan Upan Diosin Furun yoiquin isca huani, “Min ufu niaifoaitiancai nan mia noicasmafoan afanan mia ahuusca huatirofoma. Minfin nantifi ato iquiniran,” ishon yoini. Asca anoricai ahuun oinmati afu nai muran icafo yoimisima. Ascashon Furun fusti catonni nantifiton aton Ifo inon.