Efesios 4:31 - Sharanahua: Diospan Tsain

³¹ Ascacun futsafohuunoa shinanchacayamacahuun. Tsain isininpaton iyamacahuun. Sinayamacahuun. Sinacani mucayamacahuun. Futsa roayamacahuun. Chaca futsa futsatapafo shinanyamacahuun.

Efesios 4:31 ပူးပေါင်းရင်းမြစ်များ

Génesis 27:41

Apan inanpaiyai cuscan shara chipocuton fini ascan nantiatari Esaú ahuun ushto Jacobqui shinanchacani. Ahuun nomuran shinanni isca huaquin, —Upa nati chaima. Upa naano un uhuun ushto un rutuiran, —ishon shinanni.

Génesis 37:21

Ascaifoan nicain iyoa futsan ahuun anu Rubén ahuun ramapaiquin chipocun numapaini. Ascashon iyoa ranan yoini, —Noncai ushto rutuima.

Génesis 37:4

Asca huaiton oincani ahuun ochifo fasi aqui sinacoinnifo tsoancai oinpainima nan fustihuun apan noiaiton.

Génesis 4:8

Ascano Caín chipo ahuun ushto Abel yoini, —Non mau ano canon, —huani. Ascashu Abel iyoa Caín fu mau ano cacun iyoaton coshaqui futsaquin rutuni.

Salmos 37:8

Nan chaca huamisifo samamashta nai cuyoshquin. Ascan atohuunoa shinanchacayamacahuun. Atohuunoa shinain sinayamacahuun. Ointi rochitima iyamacahuu. Futsafo aya cuscan nanfohuunoa shinanchacayamacahuun. Ascan mato nomuran man shinanchacaquifin man samamashta ahuara chaca huatiroquin. Asca ratoran futsan nocon Ifo icoinra huaashu aqui nocoaiton ahuara shara inainno a fu isharapacunaca.

Hechos 21:30

Ascano nantifi nanno ichanancashon ato Pabloqui tsain chaca huanifo. Fasi tsain fucash huanifo pushurasi anoafoti mucacaniquin. Nicacatan pushufotifi aqui maoconifo. Pablo achicashon Dios fu tsainti pushu muranshon chifi ninifainifo. Ascatanaino fupoti fuporiscatani.

Romanos 3:14

Roanmitsamisifo icain tsain isininpaton yoimisifo.

1 Corintios 14:20

Uhuun yoramishtichin, un mato tapimai cuscan tapisharacahuun. Facushtan ahua tapisharataima. Ascashon nanfoan shinain cuscan marifi shinanyamacahuun. Cayacafi shinancahuun. Ascafia iyoafoan shinanchacatiro cuscacai facufoan shinanchacayotiroma. Nanscashu ato cuscara icahuun. Chaca tapipaiyamacahuun.

1 Corintios 5:8

Ascashon non chaca huapaoni cuscacai afanan non shinantama Cristo ahuun ointi cuscara shara non iishquin. Ahuun tsain shara non shinanon. Futsaqui afanan shinanchacayamafain tsoa afanan parayamafain tsain iconcoin fusti non yoinon.

2 Corintios 12:20

Ascacun un matoqui nocoshon oinpai man chaca shatushon Jesús tanasharanon. Un matoqui nocoshon oian man chaca shatuyamacun uhuun nomuran un omitsiscatiro. Un matoqui chipo nocoaitian manraca fochishmanantanancai futsa finonmapai aqui sinacai samamashta sinacucahuanmisifo icai asca huaquiraca, —Norus fusti tapishara. Tsoa futsafoancai non tapishara cuscan tapiafomaran, —icain. Nannori yoitiacanashu chaca huatanancain yoiti huatanancain cacapaimisi icain man nannorisi shinanquima. Man nansca huainofin un ratuicain. Man asca huaquin chaca shatuyamashu man ua oinpaiyai cuscacai un ascatiroma. Man uqui unimaquin ua oinpaifiaquin man chaca huaino un matoqui unimatamarocon un fasi mato shinain omitsiscatiro. Man nanscaiton un mato oinmanaquin.

Gálatas 5:20

Diosicoinma, —Nan uhuun Diosiran, —ishon yoifain shointi fusti tapifain noincasmamitsacain yoiti huaquisi futsafo pashcaquin futsafain futsafo finonmapaimisi icain ipaitama sinacucahuamisi icai afi apaiyai cuscan fusti shinanmisi icain tsain chipumisi icain tsoa futsacain noco cuscaramaran ishon yoifain futsafo noisharayamafain.

Efesios 4:22

Ascano mato yosimisi isca huaquin, —Marifi man man chaca huapaoni. Chaca fustisi man fuchipaipaoni. Nan chacafoan mato parafafaini. Afanan afo fuchipaiyamacahuun. Afo potacoincahuun, —ishon mato yosimisi.

Efesios 4:25

Nonfin Cristo ahuun yorafoquin. Ascacun afanan chaniyamacahuun. Mato fu icafo icon fustisi yoifafaincahuun. Non icoinra huafofin Cristo ahuun caya muma cuscaraquin. Ascano noco murannoashu futsa chanicun ahuunshon nantififain non mutiro.

Efesios 4:26

Man mua sinai matsiriscacahuun. Man ascayamaino man chaca huatiroquin. Ascacun fari cataima matsicahuun.

Colosenses 3:19

Nocofunufoan maton ahuinfohuun noicoincahuun. Ato tsain curushcain yoiyamacahuun.

Colosenses 3:8

Man nansca huapaonifiashon natian nan chacafo shatucoincahuun. Ascatari afanan sinayamacahuun. Tsain fushnuicamitsamisi iyamacahuun. Futsafo noicasmacani aqui sinayamacahuun. Ascashon futsafori roayamacahuun. Tsain mutsama yoiyamacahuun.

1 Timoteo 3:11

Aton ahuinfori isharacoinmisi icain yoiti huamitsapaimisi iyamacain paunmisiricai itiroma. Ahuara shara futsa aquifin Jesushuunshon asharamisi itiroquin.

1 Timoteo 3:3

Paumisi iyamacain sutumitsapaimisiri iyamacain futsafo yoisharapaimisi icain. Ascataricai fochishmanantananpaimisi iyamacain pui noipaimisiri iyamacain. Nan cuscara nocofunu catonhuun icoinra huafo ato cushumisi inon.

1 Timoteo 5:13

Ascashon pushuti chani yoifoanfafaini. Yonotama shafatishon funocointiro. Nanscara man fuyamisi. Chaca yoimisi cuscan yoiama shara icuana.

2 Timoteo 2:23

Ascatari futsafo tsain mutsama yoitiacanashu fochishmanantanancain samamashta sinatirofo. Ascarafo fu atofu iyamahuu mirifi ato cuscara iishquima.

2 Timoteo 3:3

Tsoa noiamafain futsafoan chaca huaa cuscan futsafo rau huayamai icain pushutifi cahuancacaini yoiti huamitsacahuancacaimisi icain ahuun nomuranshon shinanchacai cuscan shatuyamafain pofucoin icain ahuara sharafo noicasmafain.

Tito 1:7

Ascano nan cushumisiton Diosin yonoshona. Ascashon nan Dios fu tsainti pushu murannoafo ahuun yorafo cushushara. Ascacufin nantififain ahuunoa yoisharafo aton cushumisi inon. Ascashu cacapaimisi iyamacain ointi rochitimani iyamacain paumisi iyamacain sutumitsapaimisi iyamacain futsafo parashon ato pui fianmisiricai itiroma.

Tito 2:3

Nanscarifiaiyainfo iyoafofori ato yosihuu isca huaquin. Ainfo iyoafofo Jesús tanacoianshu isharanonfo. Ascashucai futsafohuunoari chani yoifoanfafainmisi iyamacain paumisi iyamacain. Ascatamarocon ahuara shara fustisi futsafo tapimashquin.

Santiago 1:19

Uhuun yoramishtichin un mato yoiai cuscan nicasharacahuun. Futsan mato ahuara yoiaiton funaquima nicasharayocahuun. Tsain ichapa yoimisi iyamacahuun. Samamashta sinayamacahuun.

Santiago 3:14

Ascan man isharatamarocon maton nomuran fucashcoin icain futsa aya cuscan fipaifain man shinanchacafain mafi man apaiyai cuscan fustisi futsafo yonoquin. Anori shinanquin isca huayamacahuun. —Un Diosin tsain tapicoian. Un ahuun ointi cuscaracoinran, —iyamacahuun. Anori yoiquifin man futsafo paraincain maton nomuran man chaca shinain cuscan fusti huafain man ato fomanpai. Ascashufin man cacapaimisicoinfoquin.

Santiago 4:11

Uhuun yoramishtichin Diospan tsain noco yoiquin isca huani, —Noinancatan yoiti huatananyamacahuun, —ishon cununi. Man ascayamacai Diosin noco yononi cuscan man aima. Ascaquifin, —Diospan tsain amaquiriran, —ishon man yoicai. Ascashon mancai yoitiroma, —Diospan tsain cayacafi iyamarai amaquiriran, —ishon yoitamarocon ahuun tsain man nicacointiro.

1 Pedro 2:1

Ascacun nantifi man chaca huamisi cuscan unucahuun. Futsafohuunoa shinanchacayamacahuun ato chaca huafain ato parayamacahuun atori fomanyamacahuun. Futsa aya cuscan fipaiquin ato noicasmafain ato yoiti huayamacahuun. Atohuunoari tsain chaca yoiyamacahuun.

1 Juan 3:12

Caín cuscara iyamacahuun. Cainfin Satanás yora iniquin. Chipocu isharamisicun afi ascayamaquin chipocu rutuni.

Apocalipsis 12:10

Ascatan oi uhuapa nai murannoa un nica. Isca huaquin yoiaiton, “Nan yoshin chaca Satanás nai muranshon man potafo. Nanton Dios ano cashon Jesús icoinra huafohuunoa tsain chaca yoi isca huaquin, ‘Mia icoinra huafoan fasi chaca huaran,’ ishon nocohuunoa shafatifi yafi yamutifiri yoifafaini. ¡Aicho! Ascafia natian Upa Diosin Satanás ahuun curush man shatumacoinna afanan nan yoshin chaca nocon ifo inonma. Ascan ahuun Facu nan nocon Numamisi Cristo afincoin nantifi man ato isma ato iquishquin. Ascacucai afanan Satanás Jesús icoinra huafoan aton ifo itiroma.