Deuteronomio 6:3 - Sharanahua: Diospan Tsain

³ Uhuun yorafo Israelifoan un mato yoiai cusca nantifi nicasharacahuun. Man nica cusca nantifi acahuun. Man ascaiton nan mai shara ano man facu ichapa ayashcaquin. Nannocai man ahua yopashquima. Maton shunifo nocon Ifo Diosin yoiyoni cusca nannori matori yoiyoni.

Deuteronomio 6:3 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 13:16

Ascan unfi min funafo ichapacoin cai huaicai. Tsoan mai furo tananhuatiroma. Nanscarifi ai chipo min funafori tsoan tanan huatiroma iishquin.

Génesis 15:5

Asca huatan Diosin Abram chifi caimani. Caimashon yoiquin isca huani, —Nai ari oinyohuu. Nan fishifo min tanan huatiromainquin tananhuahuu. Nanscarifi min funafo chipo iishquin. Tsoan ato tanan huatiroma ishquinran, —ishon nocon Ifo Diosin Abram yoini.

Génesis 22:17

Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon.

Génesis 26:4

Un min funafo un ichapa cai huai. Fishifo tsoan tanan huatiroma cuscain ichapa caicani. Nanfofin na mai un ato inaincai. Un yononi cuscan huafain un tapimani cuscan Abraham ua nicacoian. Asca min funafohuunshon un manifoti shara huashoshquicain, —ishon Diosin yoini.

Génesis 28:14

Nannoashu min funafo fasi ichaparasi caicani. Mai furo non tanan huatiroma cuscan min funafori chipo tsoa tanan huatiroma. Fari oaiquiri yafi fari caiquiri nantio maifoti min funafo iishquicani. Atohuunshon nan manifoanati un shara huashquin.

Salmos 119:4

Uhuun Ifon, min noco yononi cuscan non mia nicasharanon.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.

Éxodo 3:17

Nan min shunifo inonpacoai cusca un yoiyoni nan omitsiscaifotian un mato Egipcio mai anoshon mai futsa yora futsafo nanno icafo ari un ato iyoi cairan huani. Nan maifin Cananeofo non Hititafo non Amorreofo non Ferezeofo non Heveofo non Jebuseofo nan mai ano icafo. Nanno mai fasi sharacoin. Nanno yonofo foaisharacain tushu sharacoin futsa futsatapafo icain fona ichapa fata sharaforan,’ ” ishon yoini.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Hechos 7:17

Ascan Upa Diosin Abraham yoiyoni cuscan ato Egipto anoashu cainti chaima. Nantianri nocon shunifo Egipto ano fasin ichapacoin ini.

Deuteronomio 11:9

Nocon Ifo Diosin nocon shunifo yoini nan mai shara atona icain aton funafonari iishquin. Nanno mai fasi shara yonofo foaisharatiro ini. Nan ratora futsan nanno icashucai ahua yopatiroma. Man nocon Ifo nicasharacun nanno man chai ipasharatiro.

Deuteronomio 4:40

Un na shafata Diospan tsain mato yonoa cusca man nicasharaino maton facufoya man isharatiro. Man ascaino nan mai shara nocon Ifo Diosin mato inanpacushquin nannofin man ipatiroquiran, —ishon Moisés Israelifo yoini.

Deuteronomio 4:6

Mato yonoa cusca nicasharafain potayamacahuun. Man ascaiton mani futsafoan mato oinquin shinantirofo isca huaquin, “Nan Israelifo aton nomuran fasi shinansharacani. Aton Ifo Diosin ato yonoa cusca man nicasharacoincani. Ascan fasi tapisharaforan,” ishon shinanshcani.