Deuteronomio 6:2 - Sharanahua: Diospan Tsain

² Ascano maton facufo non mato funafori man niyoshon nocon Ifohuunoa shinansharafain man ahuun tsain nicashara. Mato yonomisifoti man nicasharacun mato chai niimapacutiro.

Deuteronomio 6:2 ပူးပေါင်းရင်းမြစ်များ

Génesis 18:19

Un Abraham catonni ahuun facufo yafi ahuun funafori ua tanasharashu cayacafi shara shinanonfo. Ascaifoanno un Abraham yoiyotiani cuscan un ashotiroran, —ishon nocon Ifo Diosin yoini.

Génesis 22:12

—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.

Salmos 91:16

Un chai nimapacui isharanon. Ascatan un numashquin u fu nipanon, —ishon nocon Ifo Diosin yoini.

Éxodo 20:12

Maton upa yafi mato uhuari nicasharafain ato sharahuashofafaincahuun. Atohuunoari shinansharafain atohuunoa yoisharapacucahuun. Man ascaiton oinquin nan mai nocon Ifo Diosin mato inain man ano ipashquinon.

Éxodo 20:20

Nannori yoiaifoan nicatan Moisés ato cumani isca huaquin, —Ratuyamacahuun. Diosin matoqui oaquin man ahuun tsain nicacoinshon man tapinon. Man aqui ratuai cusca chaca huayamacahuun, —ishon Moisés ato yoini.

Lucas 12:5

Ascacun atoqui ratuquimarocon Diosiqui ratucahuun. Nantofi mato rutufain maton yoshinfori omitsiscapanacafo muran potatiroquin. Nanno chi urumanhuan matsinacama. Naan icon un mato yoi. Dios fustiquifin man ratutiroquin.

Deuteronomio 11:9

Nocon Ifo Diosin nocon shunifo yoini nan mai shara atona icain aton funafonari iishquin. Nanno mai fasi shara yonofo foaisharatiro ini. Nan ratora futsan nanno icashucai ahua yopatiroma. Man nocon Ifo nicasharacun nanno man chai ipasharatiro.

Deuteronomio 30:19

Na shafatan un mato yoiai cusca nan nai murannoafo nocon Ifo Diosi fu icafoan nicaino yafi mai ano icafoanri nicaino un mato cayacafi yoiai cusca man catontiro man niisharatiro iyamarai man nai futsushquiai cusca man catontiro. Nocon Ifo Diosimain mato shara huashoshquin iyamarai mato chaca huashquicain. Natian uhuun yorafoan man niyoatian isharacahuun. Maton facufoya niisharacain nocon Ifo Diosi noicoinfain a nicasharafain a fu rafufafaincahuun. Nocon Ifo Diosihuunoashufin man niisharatiroquin. Upa Diosin nocon shunifo Abraham non Isaac non Jacob yoicoinni na mai shara ato inanshquin. Nocon Ifo Diosin matori na mai shara ano mato chai imasharashquinran, —ishon Moisés ato yoini.

Deuteronomio 4:10

Man machi Horeb tunanmanri nocon Ifo Diosin ointaifin man nanno nia ini. Nantian nocon Ifo Diosin ua yoini isca huaquin. “Nantifi min caifofo Israelifo ichanan huahuu un ato tapimasharanon. Nanfoan ua nicasharafain tapitirofo ahuuscashomain nan mai shara anoshon uhuunoa shinansharafain un ato yonoa cusca nicasharafain aton facufori tapimacanicain. Ascano nanfoan niyocashon ua nicasharatiroforan,” ishon ua Diosin yoini. Nanhuunoari maton facufo tapimacahuun.

Deuteronomio 4:40

Un na shafata Diospan tsain mato yonoa cusca man nicasharaino maton facufoya man isharatiro. Man ascaino nan mai shara nocon Ifo Diosin mato inanpacushquin nannofin man ipatiroquiran, —ishon Moisés Israelifo yoini.

Deuteronomio 4:9

Ascacun oinfain Diosin mato oinmana cusca nanfohuunoa shinaincai man ointiaquimapacunacama. Maton facufo non mato chatafo non maton shotafori nocon Ifo Diosin mato yonoa cusca ato tapimacahuun.

Deuteronomio 6:1

—Man samamashta nan mai shara nocon Ifo Diosin mato inainno man iquishquin matona inon. Ascan man iquiataima nocon Ifo Diosin mato yonoa cusca ua yoia un mato tapimanon man nocon Ifoan tsain tanasharanon.

Deuteronomio 6:24

Nocon Ifo Diosin noco yoini isca huaquin, ‘Nantifi un mato yonoa cusca acahuun. Man asca yamaino musucoin itiro,’ ishon noco yoini. Nocon Ifo Diosin noco yonoa cusca non aiton noco natian non ishara cusca nocon Ifoan noco nimasharapacunacaquin.

Deuteronomio 6:7

Maton facufo Diospan tsain shafatifi yoifafaincahuun. Maton pushu muranshon nocon Ifo Diosin mato yonoa cuscahuunoa ato yoicahuun. Nan fain caaquin yoifain nantianri afohuunoa yoifain racashon yoifain man funiaitianri ato yoifafaincahuun.

Josué 4:24

Noco asca huashoaiton nantifi manifotifain tapinonfo nocon Ifo Diosi ahuun curushhuunshon ahuamamishti huatiro. Ascacun norifi nocon Ifo Diosihuunoa non shinansharapacunaca noco yonoai cuscan non anon, —ishon Josué ahuun caifofo yoini.

1 Pedro 1:17

Ointiaquimayamacahuun man nocon Upa Dios cufifafainai cuscan nanton noco nantifi oinfafainni nanscarafosi. Nanscacun Diosin nanscasi huaquin nocohuun noi. Upa Diosin nan yonoshomisifo cuscan atoti inanpacushquin. Nan yonoshosharamisifosi ato paratama inanpacushquin. Ascan nan yonosharamafo funoshcani. Ascacun oinfain. Nuno mai ano niyoshon Diosquiri shinansharacahuun mato yonomapaiyai cuscan ashocahuun funoshcaquima. Man nonfin tapiaquin non nuno mai ano ipanacama. Non chipo Diosqui nocoshquin.