Deuteronomio 4:1 - Sharanahua: Diospan Tsain

¹ Uhuun caifofoan ua nicasharacahuun. Nocon Ifo Diosin ua yoimisi cuscan un natian mato tapimai man nansca huanon. Nocon Ifo Diosin nocon shunifoan aton Diosiri. Man ahuun tsain nicasharaquin man nisharacain nan mai shara noco inain non nanno iisharanon.

Deuteronomio 4:1 ပူးပေါင်းရင်းမြစ်များ

Romanos 10:5

Moisés isca huaquin cununi, —Upa Diosin noco yononi cuscan nantishon tapiquin non chaca huayamashu Upa Dios fu non nipatiroquin, —ishon cununi.

Deuteronomio 30:16

Un mato yonoa cusca nocon Ifo Dios noicoinfain mato yonoa cusca nantifi nanscacoincahuun. Diosin mato amapaiyai cusca man aiton mato shara huashoshquin manfin yora ichapacoin caiishquicain. Na mai shara ano matona iishquin.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Salmos 119:4

Uhuun Ifon, min noco yononi cuscan non mia nicasharanon.

Deuteronomio 30:19

Na shafatan un mato yoiai cusca nan nai murannoafo nocon Ifo Diosi fu icafoan nicaino yafi mai ano icafoanri nicaino un mato cayacafi yoiai cusca man catontiro man niisharatiro iyamarai man nai futsushquiai cusca man catontiro. Nocon Ifo Diosimain mato shara huashoshquin iyamarai mato chaca huashquicain. Natian uhuun yorafoan man niyoatian isharacahuun. Maton facufoya niisharacain nocon Ifo Diosi noicoinfain a nicasharafain a fu rafufafaincahuun. Nocon Ifo Diosihuunoashufin man niisharatiroquin. Upa Diosin nocon shunifo Abraham non Isaac non Jacob yoicoinni na mai shara ato inanshquin. Nocon Ifo Diosin matori na mai shara ano mato chai imasharashquinran, —ishon Moisés ato yoini.

Deuteronomio 11:1

Maton Ifo Diosi noicoincahuun. Mato yonoa cusca nantifi nicasharafafaincahuun.

Deuteronomio 4:8

Nocon Ifo Diosin noco yonoa cusca un mato yoi. Nanton noco yonoa cusca fasi shara. Nan noco yonoa cusca ai non isharacointiro. Mani futsafoan aton diosifocai ascarafoma.

Juan 15:14

Un mato yonoai cuscan man aifin ufu rafumisi man itiroquin.

Lucas 1:6

Ascashon nan rafutan Diosin tsain cununi cuscan nicasharacoinpaonifo. Nantifi Diosin yononi cuscan tanasharamisifo. Nan rafutan tanasharaifoan Diosin oinpaoni. Ascacucai tsoan ato ahuashta rafatiro ipaonima.

Éxodo 18:20

Ascano Diosin ato tapimapaiyai cusca min ato yoifain ato yonoai cuscari min ato tapimafain nan isharatirofo cusca ato tapimafain Diosin ato amapaiyai cuscari min ato tapimatiro.

Deuteronomio 1:3

Moisés ato iyoaitian Israelifoan Amorreofo aton niaifo Sehón Hesbón anoa ato rutunifo. Basánfoan aton niaifo Og nan pushu rasi Astarot ano ica ini. Ascano nan mai anuni Edreiran huani. Israelifo Egipcio mai anoashu funifotian cuarenta fari non tau rafu non tau foshca fusti oshu finoanno unu Jordán fari oaiquiri Moab mai chaimashta inifo. Nantianri nantifi nan cuarenta fari finoanfo cusca nocon Ifo Diosin ato yononi cusca Moisés ahuun caifo Israelifo shinanmani isca huaquin,

Deuteronomio 4:40

Un na shafata Diospan tsain mato yonoa cusca man nicasharaino maton facufoya man isharatiro. Man ascaino nan mai shara nocon Ifo Diosin mato inanpacushquin nannofin man ipatiroquiran, —ishon Moisés Israelifo yoini.

Deuteronomio 1:8

Unfin na maitio mato inaincai matona inon. Ascacun natian nanno icahuun futsafo nannoshon potacahuun matona inon. Un maton shunifo Abraham non Isaac non Jacob aton funafori inanni. Ascano natianri matona iishquiran, —ishon nocon Ifo Diosin noco yoini.

Deuteronomio 6:1

—Man samamashta nan mai shara nocon Ifo Diosin mato inainno man iquishquin matona inon. Ascan man iquiataima nocon Ifo Diosin mato yonoa cusca ua yoia un mato tapimanon man nocon Ifoan tsain tanasharanon.

Deuteronomio 6:24

Nocon Ifo Diosin noco yoini isca huaquin, ‘Nantifi un mato yonoa cusca acahuun. Man asca yamaino musucoin itiro,’ ishon noco yoini. Nocon Ifo Diosin noco yonoa cusca non aiton noco natian non ishara cusca nocon Ifoan noco nimasharapacunacaquin.

Josué 3:9

Ascano Josué Israelifo yoini, —Uqui fucahuun nocon Ifo Diosin ahuun tsain nicasharashcaquin.