Deuteronomio 11:9 - Sharanahua: Diospan Tsain

⁹ Nocon Ifo Diosin nocon shunifo yoini nan mai shara atona icain aton funafonari iishquin. Nanno mai fasi shara yonofo foaisharatiro ini. Nan ratora futsan nanno icashucai ahua yopatiroma. Man nocon Ifo nicasharacun nanno man chai ipasharatiro.

Deuteronomio 11:9 ပူးပေါင်းရင်းမြစ်များ

Éxodo 20:12

Maton upa yafi mato uhuari nicasharafain ato sharahuashofafaincahuun. Atohuunoari shinansharafain atohuunoa yoisharapacucahuun. Man ascaiton oinquin nan mai nocon Ifo Diosin mato inain man ano ipashquinon.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Deuteronomio 1:8

Unfin na maitio mato inaincai matona inon. Ascacun natian nanno icahuun futsafo nannoshon potacahuun matona inon. Un maton shunifo Abraham non Isaac non Jacob aton funafori inanni. Ascano natianri matona iishquiran, —ishon nocon Ifo Diosin noco yoini.

Deuteronomio 11:10

Nan mai sharacai Egipcio mai ariashu man fua cuscarama. Egipcio ano man mau muchana huapaiquin man unu fipaoni maton mau muchana huashquin maton yonofo foaisharanon.

Deuteronomio 11:21

Man nansca huaifin maton facufo fu nan mai shara ano man chai ipatiroquin. Nocon Ifo Diosin nocon shunifo yoini cusca marifi na mai shara ano mato inannon nanno man ipacunaca.

Deuteronomio 4:40

Un na shafata Diospan tsain mato yonoa cusca man nicasharaino maton facufoya man isharatiro. Man ascaino nan mai shara nocon Ifo Diosin mato inanpacushquin nannofin man ipatiroquiran, —ishon Moisés Israelifo yoini.

Deuteronomio 6:18

Nocon Ifoan shinan cusca marifi nanscara shinancahuun. Ahuara cayacafi shara fusti acahuun. Man asca huaiton na mai shara ano man isharacain ahua chacacai matoqui nocoima. Nocon Ifo Diosin nocon shunifo yoiyoni cusca aton mai inanshquin. Ascano man nocon Ifo nicashara na mai shara ano man iquitiro. Mani futsafo nannoshon man potatiro matona nan mai inon. Nannori nocon Ifo Diosin yoini.

Deuteronomio 6:2

Ascano maton facufo non mato funafori man niyoshon nocon Ifohuunoa shinansharafain man ahuun tsain nicashara. Mato yonomisifoti man nicasharacun mato chai niimapacutiro.

Deuteronomio 6:3

Uhuun yorafo Israelifoan un mato yoiai cusca nantifi nicasharacahuun. Man nica cusca nantifi acahuun. Man ascaiton nan mai shara ano man facu ichapa ayashcaquin. Nannocai man ahua yopashquima. Maton shunifo nocon Ifo Diosin yoiyoni cusca nannori matori yoiyoni.