Daniel 9:9 - Sharanahua: Diospan Tsain

⁹ Non yoitimacoinshon non mia cachiquiri huaa. Ascafia min nocohuun ramapaitan min nocon chaca rau huashotiro.

Daniel 9:9 ပူးပေါင်းရင်းမြစ်များ

Salmos 130:4

Ascafia mincai ascarama. Min noco rau huai non mia chaca hua cusca afanan min shinainma. Ascan non mihuunoa shinansharacoin. Tsoa futsa mia cuscarama. ¡Aicho, Ifon!

Salmos 130:7

Nocon Ifo Diosin nocohuun fasi noi. Noco noiai cusca unupacunacama. Ascan Diospan yora Israelifoan nocon Ifo icoinra huacahuun. Nonfin chaca huamisiquin. Ascafia nocon Ifoan noco numa afanan nocohuunoa chaca shinainma. Ascaino non Upa Diosi fu ipatiroquin.

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Daniel 9:5

Ascafia nonfin mia chaca huamisi. Min noco yonoai cuscan ayamacain non mia nicacasmafain non mia cachiquiri huamisi.

Daniel 9:6

Min oinmatifo min tsain yoimisifo min nocoqui nichifiacai non ato nicapaimisima. Nanfoan min anuhuunoa nocon niaifofo yoifain nocon niaifo patasharinoafo yoifain nocon shunifori yoifain nocon yorafo maifoti anoafo ato yoifiaifoannocai non ato nicapaimisima.

Daniel 9:7

Uhuun Ifon, min fustifin fasi sharacoinquin. Min noco yonoa cuscacai non mia tanasharama. Ascan nonfin Judáfo non Jerusalén ano icafo non nantifi Israelifo min noco pashcaquin futsani. Ascan non mia chaca huashu non rafipaitiro.

Daniel 9:8

¡Ohuashta! Uhuun Ifon, non mia chaca huamisi. Ascan noco niaifofo futan nocon niaifo patasharinoafo non noco shunifoyashori non mia chaca huashu non fasi rafipaitiro.