Daniel 9:14 - Sharanahua: Diospan Tsain

¹⁴ Nantifi min amisi cuscan cayacafi shara. Ascan min noco yoini cuscacoin non acun min noco omitsisca hua cuanama. Ascafiainocai natianri min yonoa cuscan non huaima.

Daniel 9:14 ပူးပေါင်းရင်းမြစ်များ

Salmos 51:14

Uhuun Diosin, un futsa rutumana cuscan ua rau huahuu. Minfin uhuun numamisiquin. Min uhuun chaca ua soashonano unimacain un futsafo fanainshonon min shara fustisi ahua chaca mi fu itiromaran, ishon un ato tapimanon.

Éxodo 9:27

Ascaiton oinquin Faraón Moisés yafi Aarón tsain fomani aqui fononfo. Ascano ato yoini, —Natian mun tapia un chaca hua. Ifo Diosin icon fusti yoimisi. Un uhuun yorafoyashon amaquiri un shinanmisi.

Daniel 4:34

Ascan siete fari finontanaino Nabucodonosor yoini isca huaquin, —Unfin Nabucodonosor un Diosi icari nai muran foisicai un afanan niso itamarocon cayacafi un afanan shinanni. Un Diosi cufini isca huaquin, “Diosin min fasi nantifi finoncoian. Min fasi sharacoin nipanaca. Tsoa futsacai mia cuscarama,” ishon un cufini. Nan Diosifin nantifi yorafo iquipacunacaquin. Nan manifotiton aton niaifo faritifi ipanaca.

Daniel 9:7

Uhuun Ifon, min fustifin fasi sharacoinquin. Min noco yonoa cuscacai non mia tanasharama. Ascan nonfin Judáfo non Jerusalén ano icafo non nantifi Israelifo min noco pashcaquin futsani. Ascan non mia chaca huashu non rafipaitiro.