Daniel 6:20 - Sharanahua: Diospan Tsain

²⁰ Chaima nocotan niaifo ahuun nomuran shinain ahuun oi omitsiscayanan cunani isca huaquin, —¿Daniel, nan min Diosin nipanaca min ashonmisi cuscan nantomun mia numaiquin masharofoan mia pinonfoma? —ishon niaifoan Daniel yocaiton.

Daniel 6:20 ပူးပေါင်းရင်းမြစ်များ

Génesis 18:14

—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.

Salmos 73:23

Un anori shinanfiaifin unfin min yoraquin. Mincai ua potamisima. Minfin ua mutsoaquin un pacunonma,

Daniel 3:15

Un afanan mato yoi fusti. Nan nocofunu ointsa cuyamasoa un oro rami huahuunoa man manutifo nicaquin ahuun ointaifin man maiqui fuoshopacucahuantiro. Man ascashonaino shara itiro. Mato ahuusca huaima. Ascan un yonoa cuscan afanan man ayamaiton un samamashta mato chii urumanhuan muran mato potamashquin. Un mato asca huaiton rato diosi futsacai mato numatiroma un mato namanonmaran, —ishon niaifoan yoiaiton.

Daniel 3:17

Noco chii urumanhuan muran potacun nocon Diosin nan non ashomisi cuscan noco numatiro. Niaifon, min niaifofiacun min noco asca huapaiyai cuscan nocon Diosin noco numashquin.

Daniel 6:16

Ascan Darío niaifoan yonoaino futsafoan masharofoan quininhuan muran Daniel potanifo. Potafotaima niaifoan Daniel yoini isca huaquin, —Min Diosi min ashofafaina cuscan mia numapainon masharofoan mia ahuusca huanonfoma, —ishon niaifoan Daniel yoini.

Daniel 6:19

Ascan iyoconaino funanmanrishta niaifo masharofo icano ichoni.

Daniel 6:26

Uhuun yorafoan uhuun mai anoafotiton un mato yoinon nicacahuun. Daniel ahuun Diosifin nipanacaquin. Nan fustifin ahuun yorafo fu ipanacaquin. Nanton nantifi ato iquipacunaca. Ascan un mato yonoi Daniel ahuun Diosiqui man musunon ahuunoa yoi sharapacushquin.

Daniel 6:27

Nanton yorafo numafain ato nimapacunaca. Tsoa atiroma cuscan ato ismafain tsoan oinyomisimari nai murannoa yafi mai anoafo ato ismamisi. Ascashon nanton Daniel numaquin masharo pofufoan ahuusca huanonfoma, —ishon niaifo Darío ato yoini.

Números 11:23

Ascaiton nocon Ifo Diosin cumani, —¿Unmun ahuamamishti huatiroma? Natianfin min oincai un mia yoia cusca icomainquin, —ishon nocon Ifo Diosin Moisés yoini.

Lucas 1:37

“Ascacun ahuacai Diosin aquimaracai,” non huatiroma. Nantofi ahuamamishti huatiroquin, —ishon yoini.

Lucas 18:1

Afanan Jesús ahuara futsahuunoa ato yoini ato tapimashquin, —Upa Dios unutama cufiriai atsananonfoma.

Hechos 6:4

Ascan nonfin shafatifi Upa Dios cufifafainicain ahuun tsainri yoishquin, —ishon yoinifo.

Romanos 2:7

Nan tsoaran Diosin ato imapaiyai cuscan amisiton futsafo shara huafafaini tsain shara Upa Diosin atohuunoa yoisharaiton nicapaicani. Isca huaquin, —¡Aicho! Un mia yonoa cuscan min amisi. Un miqui unimai. Min ufu ipasharatiroran, —ishon nicapaicani. Afu ipashquin. Nan cuscarafo Upa Diosin aya ato imapacunaca.

2 Corintios 1:10

Ascashu non fasi omitsiscai nacuafiaiton Upa Diosin noco numani. Afananri noco numashqui. Man non icoinra huacun noco numafafainshquin. Noco nansca huaino icoinra huaa futsafoan nocohuunoa shinanquin isca huashcani, —¡Aicho! Upa Diosin, min Pablo yafi afu rafumisifo min nica ato numashqui. Min fasi sharacoinran, —ishon ichapafoan Upa Dios cufishcani.

Colosenses 4:2

Ascacun Upa Dios cufinquin unuyamacahuun. Cufinquin ahuara futsa shinancaquima. Upa Dios iconcoin fusti cufinquin isca huafafaincahuun, —¡Aicho! Upa Diosin min ua shara huafafainiran, —ishon cuficahuun.

2 Timoteo 1:12

Ascan nan ua yononi cuscacoin un huamisi. Ascacun ua omitsisca huamisifoquin. Un omitsiscafiai un rafiama. Rafitamarocon un Jesús onancoinfain un icoinra huai. Ascan un Jesús yoini isca huaquin, —Ifon ua cushusharahuu. Un chipo mifu isharapacunon, —ishon un yoini cuscan natian nan oaitian ua ashoshquin. Nan un icoinra huacoinna.

Hebreos 7:25

Ascan non ahuunoashu Apa Dios fu ipapaiyaiton nocohuunshon Apa Dios yoifafaini isca huaquin, —Upa Diosin, un ato nashoni aton chaca soashohuun. Ascashon mi ano ato imahuu, —ishon nocohuunoa Apa yoishquin. Ascatan nocohuunoa Apa yoia cuscan nanscacoin noco huashoshquin non afu ipanon. Ascaicai non funopacunacama.

Santiago 1:25

Futsafocai ascarama. Diosin tsain shara fustisi oinsharashu nan yoia cuscacoiaino. Shafatifi Diosin tsain tanacoiancai ahua futsa afanan ahuun ifo itiroma. Ascashu ishara fusticoincain ahuun ointi unimatiro.

Judas 1:24

Ascan uhuun tsain unutaqui nocon Dioshuunoa un mato yoisharapai. Nanton mato cushusharatiro man chaca huanonma. Unimacoincain ahuun ointaifi mato imasharatiro. Nannoshocai tsoan matohuun ahua chaca nuutatiroma. Ascashu unimacoin man aqui nocoshquin. Nantofin mato nansca shara huashotiroquin.