Daniel 5:19 - Sharanahua: Diospan Tsain

¹⁹ Ifo Diosin min shuni imai cuscan oincani nantifi manifoti anoafo tsain futsa futsatapafoya aqui ratucoinnifo. Min shuni Nabucodonosor nan yora rutupaiyai ato rutuni. Nan yora nimapaiyai ato rutunima. Nan niaifo patasharinoa imapaiyai ato niaifo imani. Futsahuunoa niaifoan yoini, “Mincai ahuamaran,” ishon niaifoan yoiaino futsafoanri shinanni aacai ahuama. Ascan nocofunu futsahuunoa niaifoan yoisharaino ahuun yorafoanri ahuunoa yoisharanifo. Min shuni Nabucodonosor nantifi iquinan tsoa futsacai a cuscarama.

Daniel 5:19 ပူးပေါင်းရင်းမြစ်များ

Daniel 3:29

Ascan un isca huaquin yonoi, “Nan ratoran caifo futsa tsain futsayashu Diosiquin tsain chaca huaifin un aton caya pashcaquin futsaicain naanonfo. Aton pushuri non paon huaquin futsano nanno mani futsushqui. Sadrac non Mesac non Abed-nego aton Diosin ato numa cusca rato diosi futsacai asca huatiromaran,” —ishon niaifo Nabucodonosor yoini.

Daniel 3:4

Ascan niaifo Nabucodonosor yononi cuscan futsan oi ashcafinin yoini isca huaquin, —Nan manifoti anoashu fuafoan nan caifo futsa futsatapafo non tsain futsa futsatapafoan niaifon Nabucodonosor noco yononi cuscan nicasharacahuun.

Daniel 3:6

Ratora futsan maiqui fuopacucahuan a cufincuma chii urumanhuan muran potashquinran, —ishon oi ashcafinin yoini.

Daniel 4:17

“ ‘Nannori Diosin tsain fomisi sharafoan yoiaifo cuscan nanscaracoin iishquin. Ascaiton nicacaquin manifotiton tapitirofo Ifo Diosin nantifi finonshon manifoti ato iquinin. Nan fustitofin tsoa niaifo imapaiquin imatiroquin. Diosin nocofunu ahuamari niaifo imapaiquin imatiroran,’ ishon ua yoia.

Daniel 4:19

Nan Daniel ahuun anu futsa Beltsasar niaifoan nama cusca shinainno fasi mustairitan ratucoinquin niaifoan yoini isca huaquin, —Beltsasar, uhuun namapan ua yoia cuscahuunoa ratuquima ua tapimahuu, —ishon yoiaiton cumaquin isca huani. —¡Ohuashta, niaifo! Min nama cusca mihuunoa yoitamarocon mia noicasmaifohuunoa min yoia shara icuana.

Daniel 4:22

Niaifon, minfin na ihui cuscaraquin. Min nantifi finoncoian. Rato niaifo futsacai mia cuscarama. Min nantifi manifoti min ato iquina. Min nantifi finoan cuscan nai muran icafoanri ointirofo. Min icano yafi chaicunoafo mani futsafoanrifi min aton niaifoquin.

Juan 19:11

—Diosin mia yonoyamainocai mian ahuusca huacuanama. Ascacun nan mian chaca huanon mi ano ihuuafo nanfoancaifin ua chaca huaquin finacaniquin, —huani.

Romanos 13:1

Upa Diosin yononi cuscan manifoti anoafo niaifofo catononfo. Ascan nantifi niaifo uhuapafo yafi patasharifori nicacoincahuun.

Apocalipsis 5:9

Ascano nantianri nanfo fanainti funapan fanainquin iscafo, “Min chaca huayamafiamisicun mia rutunifo. Ascashu nantifi yorafo manifoti min noco nashocai min imi foni Satanás afanan nocon ifo itama Upa Diosin ahuun yorafo non inon. Ascacufin mirus fusti nan cunu Upa Diosin tsoma min fitiroquin. Ascashon ahuun tashna huamuafo min noco fupushotiro amuran cunua cuscan noco tapimashquin. Mihuunshon mia icoinra huafoti Diospan yorafo itirofo. Ascano nanfoanri futsafo min tsain shara ato tapimanano min ato amapaiyai cuscan anonfo. Ascacun non maifoti anoafoan niaifo patashari iishquiran,” icashu fanaincafo.