Daniel 4:34 - Sharanahua: Diospan Tsain

³⁴ Ascan siete fari finontanaino Nabucodonosor yoini isca huaquin, —Unfin Nabucodonosor un Diosi icari nai muran foisicai un afanan niso itamarocon cayacafi un afanan shinanni. Un Diosi cufini isca huaquin, “Diosin min fasi nantifi finoncoian. Min fasi sharacoin nipanaca. Tsoa futsacai mia cuscarama,” ishon un cufini. Nan Diosifin nantifi yorafo iquipacunacaquin. Nan manifotiton aton niaifo faritifi ipanaca.

Daniel 4:34 ပူးပေါင်းရင်းမြစ်များ

2 Samuel 22:31

Ascan Diosin ahuara shara fustisi huai. Ifon, min yoiyomisi cuscan nantifi iconcoin. Tsoan mia yoiquin isca huai, “Ifon, ua cushusharapun,” ishon yoiaiton nan cuno sapaqui pia iquitiroma cuscan huaquin nocon Ifo Diosin ato cushushara. Nan noicasmaifoancai ato ahuusca huatiroma.

Salmos 107:22

Inafo rutucashon nocon Ifo Diosin mato sharahua cuscari marifin ismacahuun, —¡Aicho, Ifon! Min noco fasi shara huamisiran, —ishon yoisharacahuun. Asca huafain nocon Ifoan mato fasi shara huashoa cuscan unimayanan fanaincahuun.

Salmos 107:31

Ascacun Ifohuunoa yoiqui isca huacahuun, —¡Aicho, Ifon! Min fasi nocohuun noiquin unupacunacama. Min noco shara huafafainmisiran, —ishon yoicahuun.

Salmos 107:8

Man mato numaqui nocon Ifohuunoa yoiquin isca huacahuun, —¡Aicho, Ifon! Min fasi nocohuun noiquin unupacunacama. Min noco sharahuafafainmisiran, —ishon yoicahuun.

Salmos 121:1

Un machifo oinquin un shinan isca huaquin, —¿Na machifoanmun ua ashotiroquin? —ishon un shinan. Ma. Ascan na machifoancai ua ashotiroma. Nan nocon Ifon Diosi fustitofin ua ashotiroquin. Nantofin nantifi onihuaniquin. Machifo yafi mai anoafoti nantifi nai murannoafori oni huani.

Salmos 145:13

Nocon Ifo Diosin minfin nantifi yorafo iquipacuquin unupacunacama. Nantishotapiquin min yorafo min aton Ifo iquicai min unupacunacama. Min noco yoiyomisi cuscan nanscara min huamisi. Nantifi min oni huafoti min atohuun noicoin.

Daniel 2:44

Ascan nan niaifofo mani futsafo fu icaitian Diosin nan nai muran icaton ahuun yorafo ichanan huai. Nanfin ato niaifo iishquin. Tsoancai Diosin yafi ahuun yorafo potayamafain cuyopacunacama. Diosin ahuun yorafo futan nantifi niaifo futsafo ato shatumashqui afanan tsoa nipanonfoma. Ascanfia Diosin yafi ahuun yorafocai unupacunacama. Diosifin nantifiton niaifo ipanacaquin. Nantofi manifoti iquinaquin.

Daniel 4:2

Diosin nantifi finoncoian. Ua ahuamamishti ashoshara cuscan tsoan oinyomisima cuscaran ua ashoa un mato tapimashquin.

Daniel 4:26

Nan min namapan min oian cuscan ihui ahuun foro yafi ahuun tapofo nituan cuscan. Nanhuunshon Diosin mia tapimapai min yoiquin isca huanon, “Ifo Diosin nai muran icaton nantifi manifoti ato iquinaran,” ishon min yoiafin afanan min niaifocoin iishquicain. Manifoti min ato iquishquin.

Daniel 4:3

Nantofin tsoan atiroma cuscaran shara huafain tsoan oinyomisima cuscaran ahuun curushhuunshon atiroquin. Nancai niaifo iquin unupacunacama. Manifoti faritifi ato iquinpacunaca.

Daniel 4:32

Yorafoan min pushu muranshon mia nichicani afanan yorafo fu itamarocon min fasi fununun cai yoinafo icano. Nan moifoan fasi pitiro cuscan min nansca huai. Siete fari finontan min yoishquin isca huaquin, “Ifo Diosin nantifi finoncoian. Nantofin nantifi manifoti ato iquinanquin. Nantofin ratoran yora niaifo imapaiquin imatiroquin,” ishon min yoicairan, —ishon nai murannoa Nabucodonosor oi nicani.

Daniel 4:36

Ascan un afanan niso inonma Diosin ua afanan cayacafi shinanmariscatana. Nantianri ua afanan niaifo imani. Uhuunoa yoisharafain nantifi sharacapacoin inanfain un manifoti afanan ato iquina. Uhuun oinmatifo nan niaifo patasharinoafo ua tsain cayacafi shinanmacani uqui afanan fuaifono un ato niaifo ica. Un niaifoshon nantifi finoncoinpaoni cuscan natian mimacai huaquin un nantifi ato finoncoinshon ato iquina.

Daniel 5:18

Niaifon, un mia yoiai cuscan ua nicasharahuu. Ifo Diosin nantifi finoncoian min shuni Nabucodonosor niaifocoin imani. Ifo Dioshuunoashu min shuni niaifo. Ascashon nanton nantifi iquina. Rato niaifo futsacai a cuscarama. Fasi shara ipaoni. Nan icano fasi sharacapacoin ini. Ahuacai yopapaonima. Diosin yononi cuscan nantififain Nabucodonosorhuunoa yoisharapaonifo

Daniel 5:21

Yorafoan nannoshon potanifo. Nan yoinaton shinain cuscan arifi shinanpaoni. Ascashu yoinafo burro icai cuscan foanfaincaquin min shuni arifi ato futan fasi pipaoni. Ahuun caya nifipan muchana huapaoni. Fari ichapa nisocoin iyopaoni afanan shinansharacoinquin yoini isca huaquin, “Ifo Diosin min nantifi finoncoian. Min manifoti min ato iquina. Min tsoa niaifo imapaiquin min imatiroran,” ishon min shuni Nabucodonosor nocon Ifo Diosi yoini.

Daniel 6:26

Uhuun yorafoan uhuun mai anoafotiton un mato yoinon nicacahuun. Daniel ahuun Diosifin nipanacaquin. Nan fustifin ahuun yorafo fu ipanacaquin. Nanton nantifi ato iquipacunaca. Ascan un mato yonoi Daniel ahuun Diosiqui man musunon ahuunoa yoi sharapacushquin.

Daniel 9:14

Nantifi min amisi cuscan cayacafi shara. Ascan min noco yoini cuscacoin non acun min noco omitsisca hua cuanama. Ascafiainocai natianri min yonoa cuscan non huaima.

Lucas 1:33

Ascashu naanfin Israelifoan aton niaifo unupacunacamaran, —ishon Gabriel yoiaiton.

Lucas 18:13

Ascafiainocai nan niaifo pui fishomisiton anori yoitama. Mananquiri foistamari. Tutipacutsishon shochi sutu sutuaquin yoini, “¡Ohua! Diosin, un mia fasi chaca huamisi. Uhuun ramapaihuu. Un chacaquin,” huani.

Juan 5:26

Tsoan futsacai Upa Dios nimama. Afi nipamisi. Nanscarifiai Upa Diosin un ahuun Facucun ua yononi cuscan ufin nipamisiquin. Tsoa futsacai ua nimama.

1 Timoteo 1:17

Ascano nocon Dios Niaifocoin nipanaca. Arus fusti Dios futsa yamai. Tsoancai Dios ointiroma. Nantififain non ahuunoa yoisharapacunaca isca huaquin, —Mirusu fustiton nantifi tapicoian. ¡Aicho! —ishon non yoipacunon.

1 Timoteo 6:16

Arus fusti niaifocoin ipanaca. Nancai napanacama. A icarifi chashacoianquin. Ascano tsoacai aqui nocotiroma. Tsoanricai ointamari ointiroma. Ascacun non ahuunoa yoisharanon. Aafin curushcoin ipanacaquin. Nanscasiai.

Apocalipsis 11:15

Ascaino Diosin oinmati afu ica futsan ahuun manuti chaan chaan acaino nai muran Upa Dios icarishon oi ashcafinin yoiafo isca huaquin, “Natian nocon Ifo Diospan Facu nantonfin nantifi yora manifoti ato iquina. Ascashu arusu fusti aton niaifo unupacunacamaran,” ishon yoiafo.