Daniel 4:25 - Sharanahua: Diospan Tsain

²⁵ Mia yorafomaquishon cainmanano min yoinafo fu iyoshquin. Moifoan fasi piaifo cuscan mirifi min ato futan siete fari fasi piishquin. Nai muranshon nifipan mia muchana huashquin. Ascan sieite fari finoanno min yoishquin isca huaquin, “Nan Ifo Diosin nai muran icaton nantifi finoncoian. Nantifi manifoti ato iquina. Manifoti anoafo ratora futsa Ifo Diosin ato murannoa niaifo imapaiquin nan imashquin.”

Daniel 4:25 ပူးပေါင်းရင်းမြစ်များ

Salmos 103:19

Nocon Ifon Diosin nai muran icaton nantifi iquina. Nannoshon nantifi nai muran icafo non mai ano icafori nantofin aton niaifocoinshon ato yonoaquin.

Daniel 2:21

Nan mai ano iishqui ai cuscan min fiananan huai. Faritifi faritian itiro. Oipacutian oipacutiro. Matsitianri matsitiro. Nanscarifi ai min niaifo fiananan huatiro futsa arifi niaifo inon. Minhuunoashu futsafori niaifo iqui. Ascatari min futsafo potatiro afanan niaifo inonma. Nan yora shinansharaifo min ato tapima sharafain ahuarafohuunoa tapisharamisifo min ato paratama tapimani.

Daniel 2:37

Niaifon, minfin futsafoan ato niaifocoinquin. Diosin nai muran icaton mia yonoa min ato iquinon. Mia ashoa cuscan min mutsisipacoinquin. Diosin mia yonoa cuscan tsoan mia finontiroma. Nantififain Diosihuunoa yoishquicani min niaifo sharacoin.

Daniel 2:47

Ascashon niaifo Nabucodonosor Daniel yoini isca huaquin, —Icon, maton Diosin nantifi dios futsafo finoncoian. Nanfin nantifi niaifofoan aton Ifoquin. Uhuun namapan mian tapimana cuscan min yora ahuara tapiamafo Diosin ato tapimatiroran, —ishon Nabucodonosor yoini.

Daniel 4:16

“ ‘Nanno ishon nan nocofunun ahuun nomuranshon shinan futsani afanan yorafoan shinain cuscan shinantama nan yoinafoan shinain cuscan siete fari nanscara shinanshquin.

Daniel 4:17

“ ‘Nannori Diosin tsain fomisi sharafoan yoiaifo cuscan nanscaracoin iishquin. Ascaiton nicacaquin manifotiton tapitirofo Ifo Diosin nantifi finonshon manifoti ato iquinin. Nan fustitofin tsoa niaifo imapaiquin imatiroquin. Diosin nocofunu ahuamari niaifo imapaiquin imatiroran,’ ishon ua yoia.

Daniel 4:2

Diosin nantifi finoncoian. Ua ahuamamishti ashoshara cuscan tsoan oinyomisima cuscaran ua ashoa un mato tapimashquin.