Daniel 4:22 - Sharanahua: Diospan Tsain

²² Niaifon, minfin na ihui cuscaraquin. Min nantifi finoncoian. Rato niaifo futsacai mia cuscarama. Min nantifi manifoti min ato iquina. Min nantifi finoan cuscan nai muran icafoanri ointirofo. Min icano yafi chaicunoafo mani futsafoanrifi min aton niaifoquin.

Daniel 4:22 ပူးပေါင်းရင်းမြစ်များ

Génesis 11:4

Ascashon chipo nantifi yorafo yoinifo, —Fucahuun. Non pushu rasi uhuapa huafain pushu toro cuyacoin masoa nai muran noconon. Non asca huaiton nantifi yorafoan nocohuunoa nicanonfo non ahuamamishti huatiro. Non asca huai maitio pashcananshquima, —ishon yoinifo.

Génesis 28:12

Nannoshon ahuun namapan paiti fasi cuyacoin nai muran nocoa oinni. Diospan nai oinmati a fu imisifo paitinin nai murannoashu mai ano fototan afanan inaifoan oinni.

2 Samuel 12:7

Natán David cumani, —Minfin nan nocofunu ichapaya. Nonfin Israelifoquin. Nocon Ifo Diosin mia yoi isca huaquin, “Un mia catoan min caifo Israelifoan aton niaifo min inon. Saúl mia rutunonma un mia numamisi.

Daniel 2:21

Nan mai ano iishqui ai cuscan min fiananan huai. Faritifi faritian itiro. Oipacutian oipacutiro. Matsitianri matsitiro. Nanscarifi ai min niaifo fiananan huatiro futsa arifi niaifo inon. Minhuunoashu futsafori niaifo iqui. Ascatari min futsafo potatiro afanan niaifo inonma. Nan yora shinansharaifo min ato tapima sharafain ahuarafohuunoa tapisharamisifo min ato paratama tapimani.

Daniel 4:11

Nan ihui cuyacoin foaicashu mutsisipacoin icain nai ari nocoqui rashquia ointsa un oian maifoti anoshon ointirofo.

Daniel 4:21

Ahuun puifo sharashtacoin icaino ahuun fimi ichapacoin nantifiton ahuun fimi pitirofo. Ahuun pui oti muranshon yoinafoan tunuaifoanno puiyafoan ahuun ponyafohuun naa huatiro.

Daniel 4:29

Fari fusti finoanno Babilonia ano niaifo Nabucodonosor ahuun pushu fomancaya sapa camaquishon cahuaquin.

Daniel 4:36

Ascan un afanan niso inonma Diosin ua afanan cayacafi shinanmariscatana. Nantianri ua afanan niaifo imani. Uhuunoa yoisharafain nantifi sharacapacoin inanfain un manifoti afanan ato iquina. Uhuun oinmatifo nan niaifo patasharinoafo ua tsain cayacafi shinanmacani uqui afanan fuaifono un ato niaifo ica. Un niaifoshon nantifi finoncoinpaoni cuscan natian mimacai huaquin un nantifi ato finoncoinshon ato iquina.