Daniel 4:1 - Sharanahua: Diospan Tsain

¹ Ascan niaifo Nabucodonosor mani futsafo non caifo futsafo tsain futsa futsatapayafo mai futsanoafo aton ahuun tsain fomani isca huaquin, —Unfin maton niaifoquin Nabucodonosor un mato cunu fomai man tapinon. ¡Man isharapainon!

Daniel 4:1 ပူးပေါင်းရင်းမြစ်များ

Daniel 3:29

Ascan un isca huaquin yonoi, “Nan ratoran caifo futsa tsain futsayashu Diosiquin tsain chaca huaifin un aton caya pashcaquin futsaicain naanonfo. Aton pushuri non paon huaquin futsano nanno mani futsushqui. Sadrac non Mesac non Abed-nego aton Diosin ato numa cusca rato diosi futsacai asca huatiromaran,” —ishon niaifo Nabucodonosor yoini.

Daniel 3:4

Ascan niaifo Nabucodonosor yononi cuscan futsan oi ashcafinin yoini isca huaquin, —Nan manifoti anoashu fuafoan nan caifo futsa futsatapafo non tsain futsa futsatapafoan niaifon Nabucodonosor noco yononi cuscan nicasharacahuun.

Daniel 6:25

Ascan niaifon Darío nantifi caifofo non manifoti non yora tsain futsa futsatapayafo icanoa ato cunushon fomaquin isca huani, —Uhuun yoramishtichin, maton nomuran man shinansharapainon.

Daniel 6:27

Nanton yorafo numafain ato nimapacunaca. Tsoa atiroma cuscan ato ismafain tsoan oinyomisimari nai murannoa yafi mai anoafo ato ismamisi. Ascashon nanton Daniel numaquin masharo pofufoan ahuusca huanonfoma, —ishon niaifo Darío ato yoini.

Hechos 2:6

Ascan fuuhuanun oi cuscara nicafuracani Jesús tanamisifo ichananfo ano ichotoshinifo. Yorahuanrasi nocotoshinifo. Nococatan yoinannifo, —¡Aira! ¿Ahuuscashucon iscaimun? ¿Ahuuscain na yorafo nocon tsainman icanimun?

Efesios 1:2

Nocon Upa Dios futan nocon Ifo Jesucriston matohuun ramapaiqui matohuunoa shinanquin mato shara huafafaini. Ascashon maton nomuran unimamanon.

1 Timoteo 1:2

Ascano un mia Jesucristohuunoa yoiaiton min icoinra huani. Ascacun min icoinra huahuunshon min uhuun facu cuscaracoin. Un mihuun fasi noi. Nocon Upa Diosin futan nocon Ifo Cristo Jesús mia noiquin mia cushusharafain mihuunrifi ramapaia. Ascashon min ointi mia main huamanon.