Daniel 3:12 - Sharanahua: Diospan Tsain

¹² Asca nan Judiofo min catonni Babilonia anoa niaifo patasharinoafo inonfo mia nicacasmatan min diosifori shinanpaicanima. Ascan nan min nocofunu cuya masoa oro rami huaricai tsoan maiqui fuoshopacucahuanpaimaran, —icashu niaifoqui chaninifo.

Daniel 3:12 ပူးပေါင်းရင်းမြစ်များ

Daniel 1:7

Ascashon niaifo Aspenaz ato anu futsa Babilonia tsainman tuqui huani. Daniel anu futsaqui Beltsasar huani. Ananías anu futsaqui Sadrac huani. Misael anu futsaqui Mesac huani. Azarías anu futsaqui Abed-nego huani.

Daniel 2:48

Asca huatan niaifoan Daniel catonni ahuun yorafoan aton niaifocoin inon. Ahuara sharacapacoin Daniel cashman inanni. Niaifoan yoini isca huaquin, —Daniel, min Babilonia mai anoafo aton niaifo min iishquin. Nan tapisharafori min aton niaifo iishquinran, —ishon niaifo Nabucodonosor yoini.

Daniel 2:49

Ascan Daniel Nabucodonosor niaifo yocaquin isca huani, —¿Niaifon, u fu rafua Sadrac non Mesac non Abed-nego min yonotiromun nanfoan Babilonia anoafo aton niaifo patasharinoafo inonfo? —ishon yocaiton. —Ai. Min ua yocain cuscan un ato niaifo huairan, —ishon Nabucodonosor niaifoan cumani. Ascaino Daniel Nabucodonosor niaifo pushu muran nituni.

Daniel 3:11

Min yononiri isca huaquin. “Nan nocofunu ointsaton ahuun ointaifin tsoan maiqui fuoshon cufianma naanfin chii urumanhuan muran potashquinran,” ishon min noco yonoa.

Daniel 3:16

Ascaiton cumacaquin isca huanifo, —Niaifo Nabucodonosor, noncai nocohuunoa ahuara mia yoima min noco numanon.

Daniel 3:29

Ascan un isca huaquin yonoi, “Nan ratoran caifo futsa tsain futsayashu Diosiquin tsain chaca huaifin un aton caya pashcaquin futsaicain naanonfo. Aton pushuri non paon huaquin futsano nanno mani futsushqui. Sadrac non Mesac non Abed-nego aton Diosin ato numa cusca rato diosi futsacai asca huatiromaran,” —ishon niaifo Nabucodonosor yoini.

Daniel 3:30

Ascashon niaifo Nabucodonosor yoini, —Natian Sadrac non Mesac non Abed-nego afo nocon mai Babilonia anoa niaifocoin ishquicaniran, —ishon Nabucodonosor yoini.

Daniel 6:13

Niaifoan yoiai cuscan nicaquin cumanifo isca huaquin, —Niaifon, man non oian nan Daniel Judá mai anoshon ihuunifo nantofin mihuunoa shinantama min yonoa cuscan nicacasmafain min cunua cuscari nicapaima. Nan Daniel shinanracafin min yonoa cuscan ahuamaquin. Nan nicacasmaquifin. Daniel shafatifi ahuun Diosi cufinquin rafu non fusti huafanfainniquin, —ishon yoiaifoan.

Daniel 6:14

Nan nicaquin niaifoan Danielhuunoa fasi shinanni. Daniel fasi noicoinquin numapaiquin. Ahuunoa shinanquin isca huani, —¿Ahuuscashomun un Daniel numatiroquin? —ishon shinanni. Fasi numapaiquin shinanriaino aqui fari yatapacuni.

Hechos 17:7

Nan Jasón ahuun pushu muran ato iquimana. Nan rafu nocon niaifo Cesari noco yonomisi cuscan nicacasmanifo. Ascashon yoiafo, “Nocon niaifo futsan. Ahuun anu Jesusran,” ishon nan rafutan yoiaforan, —ishon oi ashcafinin yoinifo.

Hechos 5:28

—Non mato cayacafi yoita Jesushuunoa man yosinonma. Ascafia man Jerusalén anoafo atoti man yoiacufaina. Man ato shinanmapai nonmain na nocofunu Jesús rutumaitaquin. Noco rafancaniran, —huaifoan.