Daniel 2:5 - Sharanahua: Diospan Tsain

⁵ Nicaquin niaifo Nabucodonosor ato yoini isca huaquin, —Un mato icon yoi. Un nama cuscan huafain ua yoipaiyai cuscan man ua tapimayamaiton un mato ato rutumashquin mato nopun shatumishti mishti huanonfo. Maton pushufo paon icano nanno mispofo manishquin.

Daniel 2:5 ပူးပေါင်းရင်းမြစ်များ

Daniel 2:12

Nicain niaifo fasi sinacoinquin yononi isca huaquin, —Tsoa futsan atiroma cuscan huamisifo non shointiafo non inonpacoai yoimisifo non fishifo oincashon ahuara chipo iishquiai cuscan yoimisifori nantifi ato rutucahuun, —ishon niaifoan ahuun oinmatifo yononi.

Daniel 3:29

Ascan un isca huaquin yonoi, “Nan ratoran caifo futsa tsain futsayashu Diosiquin tsain chaca huaifin un aton caya pashcaquin futsaicain naanonfo. Aton pushuri non paon huaquin futsano nanno mani futsushqui. Sadrac non Mesac non Abed-nego aton Diosin ato numa cusca rato diosi futsacai asca huatiromaran,” —ishon niaifo Nabucodonosor yoini.

Daniel 4:9

Mun yoini isca huaquin, “Beltsasar, tsoan futsa atiroma cuscan huamisifofia min nantifi ato finoncoian. Mun tapia diosfo shara aton yoshin min nomuran ica. Tsoan ahuara futsahuunoa tapiafoma cuscan minfin tapitiroquin ua yoishquin. Ascan un nama cuscan ua tapimahuu.

Josué 6:26

Ascatan nan Jericó mai cuyonitian Josué ato yoini isca huaquin, —Nan ratoran nocofunun afanan Jericó ano pushu rasi huapaiyaiton nocon Ifo Diosin nan onaintimapainon naanon. Nan afanan futsan nuno Jericó mai ano pushu rasi huapaiquin pushu quishi nichiaitian ahuun facu iyoa naashquin. Nan ahuun cunu caincaiti huaitian ahuun facu chipocu naashquinran, —ishon Josué yoini.

1 Samuel 15:33

Ascaiton Samuel yoini, —Min nopun facufo yafi ahuafo ichapacoin min rutumisi. Ascan natian min uhua facuoma iishquinran, —ishon Samuel yoini. Nannori huaiton Samuel Gilgal mai anoshon nocon Ifo Diosi ointaifin nopun Agag rutuquin shatu mishti huapani.