Daniel 2:38 - Sharanahua: Diospan Tsain

³⁸ Nan Diosin mia yonoa cuscan min nan manifoannafo nantifi min ato iquinshquin. Yoinafo non puiyafo non manifotiton aton niaifo min iishquin. Nan nocofunu min oianfin mapoqui oro cuscaraquin. Minfin nan mapoqui oro cuscaraquin.

Daniel 2:38 ပူးပေါင်းရင်းမြစ်များ

Daniel 1:2

Ascan nocon Ifo Diosin yononi cuscan Nabucodonosor niaifo. Judá finoanno aton niaifo Joacim achinifo. Jerusalén anoshon Babilonia mai ano iyonifo. Nantianri Diospan tsainti pushu murannoa ahuara sharafo fuchishon nanfori Nabucodonosor Jerusalén anoshon Babilonia ano fonifo. Nannoshon Babiloniafoan ahuara rami huashon, “Noco diosiran,” ishon yoinifo. Ascashon pushu muran tsaonnifo. Nan muranri ahuara sharafo huanifo.

Daniel 2:32

Ahuun mapo oro sharashtacoin icaino ahuun shochiqui yafi ahuun poyan rafuqui cuno ahuun anu plata icaino ahuun shaqui yafi ahuun quishi rafuqui cuno ahuun anu bronce icaino

Daniel 2:39

Niaifon, nan min niaifo unuaitian futsari niaifo icacai mia cuscaran mutsisipa iishquima. Nanrifi niaifo unuaino futsari niaifo iishquin. Nan nocofunu cuyamasoan min oianfin ahuun shaqui broncequin. Nan broncehuunoa Upa Diosin mia niaifo futsahuunoa tapimapai. Nanfin manifotiton aton niaifo iquiquin.

Daniel 4:18

“Unfin, Nabucodonosorquin, nan Babilonia ano icafoan aton niaifofin unquin. Uhuun namapafin un nanscara oianquin. Uhuun caifo fusti rasiton tapisharafo cuscan un nama cuscacai tsoan ua tapimatiroma. Nan tapi sharaton ua yoitiroyamafia Beltsasar minfin ua tapimatiroquin. Diosin sharapan ahuun Yoshin min nomuran icano min ua tapimatiroran,” —ishon niaifo Nabucodonosor Daniel yoini.

Daniel 5:18

Niaifon, un mia yoiai cuscan ua nicasharahuu. Ifo Diosin nantifi finoncoian min shuni Nabucodonosor niaifocoin imani. Ifo Dioshuunoashu min shuni niaifo. Ascashon nanton nantifi iquina. Rato niaifo futsacai a cuscarama. Fasi shara ipaoni. Nan icano fasi sharacapacoin ini. Ahuacai yopapaonima. Diosin yononi cuscan nantififain Nabucodonosorhuunoa yoisharapaonifo