Daniel 2:26 - Sharanahua: Diospan Tsain

²⁶ Nicaquin niaifoan Daniel (nan ahuun anu futsa Beltsasar) yoini, —¿Iconmun un nama cuscan mian yoitiromun? ¿Nan un nama cusca huafain mian tapimatiromun? —ishon yocaiton.

Daniel 2:26 ပူးပေါင်းရင်းမြစ်များ

Génesis 41:15

Faraón José yoini, —Un nama cuscacai tsoashtan ua yoitiroma. Mun nican min futsa ahuun nama nicaquin min tapimatiroran, —ishon yoiaiton.

Daniel 1:7

Ascashon niaifo Aspenaz ato anu futsa Babilonia tsainman tuqui huani. Daniel anu futsaqui Beltsasar huani. Ananías anu futsaqui Sadrac huani. Misael anu futsaqui Mesac huani. Azarías anu futsaqui Abed-nego huani.

Daniel 4:8

Daniel ipaitama uqui oshon un nama cuscan ua tapimani. (Daniel ahuun anu futsa Beltsasar. Nannori uhuun diosi ahuun anu. Diosfo shara aton yoshin Daniel ahuun nomuran nanua. Ascacun anu tuqui huani Beltsasar.)

Daniel 5:12

Nan nocofunun ahuun anu Daniel. Ascan min shuni niaifo Nabucodonosor anu futsa tuqui huani Beltsasaran ishon anuni. Nantifi yorafoan oinni nan nocofunun fasi ahuara tapicoian ahuun mapo fasi shara. Ahuun nomuranshori tapini. Ahuarafohuunoa tapifain futsan shinain cuscan tapifain futsan nama cuscan tapifain futsa yoimisi cuscan futsafoan tapiyamaino nantofin tapisharacoian iniquin. Ahuara tapitimani cuscarafohuunoari nan nocofunun fustiton tapini. Ascan nan Daniel cunahuu nan cunuqui cunua cuscan mia tapimanon, —ishon niaifoan ahuun shanon yoini.

Daniel 5:16

Mun nica min ahuara futsafoan tapiamafo cuscan min ato tapimatiro. Ahuara curush tapiyamaifo cuscan min ato tapimatiro. Ascan na cunua cuscan mian tapimanaiton un mia niaifoan sahuuti shonan un mia sahuumafain tuhuuti oro mia sahuumafain mia niaifocoin imashquin. Un non nocofunu futsa mia finoncoin. Uhuun caifofo non uhuun mai anoa yora futsafoan ato niaifo min iquiran, —ishon niaifo Belsasar yoini.

1 Samuel 17:33

Ascaiton Saúl cumani —Min na Filisteoqui catiroma rutushquin. Mincai ranushumuama. Minfin pushcoai fustiquin. Ascan Filisteo pushcohuinacahuanaitian futsafo rutuquin tapicoianquin, —ishon cumani.