Daniel 10:12 - Sharanahua: Diospan Tsain

¹² Ascatan ua yoiquin isca huani, —Daniel, ratuyamahuu. Tau huaquin min Diosi cufini isca huaquin, “Upa Diosin, un tapiama cuscan ua tapimahuu. Un non uhuun yorafoan mia chaca huamisi cuscan nocon rau huapun,” ishon min anori cufiaiton nocon Ifo Diosin mia nica. Ascan nocon Ifo Diosifin ua miqui nichiaquin.

Daniel 10:12 ပူးပေါင်းရင်းမြစ်များ

Daniel 10:11

Ua yoiquin isca huani, —Daniel, Ifo Diosin mihuunoa fasi shinansharamisi. Natian funihuu. Un mia yoiai cuscan nicasharahuu. Ifo Diosin ua miqui nichia un mia yoinon, —ishon ua yoini. Ascashon ua yoiaino un tari tariquin funinacahuani.

Daniel 10:19

Ua yoia isca huaquin, —Ratuyamahuu. Diosin mihuunoa fasi shinansharaiquin. Natian min nomuran shinansharahuu. Ahuarahuunoa shinain ratuyamahuu, —ishon ua yoia. Ua anori huaino un mua uncai afanan shaca fuai mutsa aima. Un muuquin shara huaquin un yoia isca huaquin, —Uhuun niaifon, mian mutsismana. Ascan mian yoipaiyai cuscan ua yoihuu, —ishon un cuma.

Mateo 28:10

—Ratuyamacahuun. Ascatamarocon uhuun ushtofo ua yoishotacahuun Galilea ano fononfo. Nannoshon ua oinshcaquin, —ishon ato Jesús yoini.

Mateo 28:5

Ascaiton Diospan oinmatinin afu nai muran icaton María rafu yoini, —Ratuyamacahuun. Mun tapia man Jesús funai yoa. Jesús man mastafiaitafo natian nunoma. Mato yoimisi cuscan man funia. Oin fucapon quini muran. Nan racaitano.

Marcos 16:6

Ascaiton ato yoini, —Ratuyamacahuun. Man Jesús funicainaquin. Man funai Jesuscai nunoma. Mastafiaitafo man funiaquin. Na quini muran raca iquitano. Oin fucapon.

Lucas 1:13

Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.

Lucas 1:30

Ascaiton afanan cumani, —Maria, ratuyamahuu. Diosin mihuun noifain miqui unimasharai.

Lucas 2:10

Ascaifoan ato yoini, —Ratuyamacahuun. Un mato tsain fasi sharacoin yoiyoaquin. Nicai man unimaino manifoti anoafori unimanonfo.

Lucas 24:38

Ascaifoan Jesús ato yoini, —¿Ahuuscai man ratuain? ¿Ahuuscai maton nomuran man icoinra huaimamun?

Hechos 27:24

“Pablon, ratuyamahuu. Min niaifo Cesar ano nocotiro mia chaca huafo cuscan min cayacafi cumasharanon. Upa Diosin min cufiain cuscan mia nica. Na mifu rafuafocai nan shashohuan murannoashu ahuuscaima,” ishon ua yoia.

Apocalipsis 1:17

Nan ointani un ananman pacua nan naa shinantsai. Ascaiton ahuun mucu mumihuurishon manmainyanan ua yoiquin isca huaa, —Ratuyamahuu. Ahuara oniataima un iyopaoni. Nanscarifiai un ipanaca. Uncai unupacunacama.