Daniel 10:1 - Sharanahua: Diospan Tsain

¹ Ascan Persia mai anoafoan aton niaifo ahuun anu Ciro. Fari rafu non fusti finoan aton niaifo imisi. Nantianri Ifo Diosin ahuara tsoa oinyomisima Daniel (nan ahuun anu futsa Beltsasar) oinmani. Ifo Diosin Daniel oinmani chipo ishqui ai cuscan iconcoin. Caifo futsafo afo ranan rutunanshquiaihuunoa ua yoini. Ifo Diosin Daniel yoipaiyai cuscan namai cuscarahuunshon tapimani.

Daniel 10:1 ပူးပေါင်းရင်းမြစ်များ

Génesis 41:32

Nanscarafin min namaquin rafu huaquin Diosin samamashta ashquiai cuscan min tapinon.

Daniel 1:17

Ascan nan pushco rafu non rafuriton nocon Ifo Diosihuunshon Babilonia ahuun tsain fasi tapisharanifo. Cunufo yafi ahuara futsafohuunoari tapisharanifo. Daniel arifi nan Dioshuunoa ahuara futsafo nama cuscan tapini. Ahuara futsa cuscarafori nan nama cuscan fasi tapisharacoinni.

Daniel 1:21

Ascan nan Nabucodonosor niaifo ahuun unutani icaino nocofunun Ciro fari fusti niaifo ini. Ascan Danielfin nan niaifo rafutan aton pushu ano ato yonoshoniquin.

Daniel 1:7

Ascashon niaifo Aspenaz ato anu futsa Babilonia tsainman tuqui huani. Daniel anu futsaqui Beltsasar huani. Ananías anu futsaqui Sadrac huani. Misael anu futsaqui Mesac huani. Azarías anu futsaqui Abed-nego huani.

Daniel 10:14

Ascan natian un miqui nocoa ahuarafo ishquiai cuscan mia tapimashquin. Min namapan oiain cuscan chipo ishquiran, —ishon ua yoini.

Daniel 12:4

Daniel na cunu fupocoinhuun tsoan oinyononma. Ascan nan maifoti cuyoaitian min fuputiro nantifishon oinonfo. Nan ahuun unutani yora ichapafo foanfafaicani fasi paratama tapinonforan, —ishon nan nocofunun ointsa nai murannoashu uqui oa ua yoini.

Daniel 2:21

Nan mai ano iishqui ai cuscan min fiananan huai. Faritifi faritian itiro. Oipacutian oipacutiro. Matsitianri matsitiro. Nanscarifi ai min niaifo fiananan huatiro futsa arifi niaifo inon. Minhuunoashu futsafori niaifo iqui. Ascatari min futsafo potatiro afanan niaifo inonma. Nan yora shinansharaifo min ato tapima sharafain ahuarafohuunoa tapisharamisifo min ato paratama tapimani.

Daniel 4:8

Daniel ipaitama uqui oshon un nama cuscan ua tapimani. (Daniel ahuun anu futsa Beltsasar. Nannori uhuun diosi ahuun anu. Diosfo shara aton yoshin Daniel ahuun nomuran nanua. Ascacun anu tuqui huani Beltsasar.)

Daniel 5:12

Nan nocofunun ahuun anu Daniel. Ascan min shuni niaifo Nabucodonosor anu futsa tuqui huani Beltsasaran ishon anuni. Nantifi yorafoan oinni nan nocofunun fasi ahuara tapicoian ahuun mapo fasi shara. Ahuun nomuranshori tapini. Ahuarafohuunoa tapifain futsan shinain cuscan tapifain futsan nama cuscan tapifain futsa yoimisi cuscan futsafoan tapiyamaino nantofin tapisharacoian iniquin. Ahuara tapitimani cuscarafohuunoari nan nocofunun fustiton tapini. Ascan nan Daniel cunahuu nan cunuqui cunua cuscan mia tapimanon, —ishon niaifoan ahuun shanon yoini.

Daniel 5:17

Ascaiton Daniel niaifo cumani isca huaquin, —Mian inanpaiyai cuscan un fipaima. Ascan min yora futsa inainno shara itiro. Ascafia na cunun yoia cuscan un mia yoi min tapinon.

Daniel 6:28

Ascan Darío niaifotianri nan Ciro Persia mai anoa arifi niaifo iyopaoni. Nan rafu niaifocoin icaino Daniel niaifo patasharinoa ipaoni.

Lucas 1:20

Ascan un mia yoiai cuscacai mian icoinra huaima. Ascan natiancai min afanan tsainyoima nan min facu caiyaintian. Un mia yoiai cuscafin nan apaiyaitian Diosin huaashquiquin, —ishon Diosin nai oinmatinin yoini.

Apocalipsis 19:9

Ascatan Diospan oinmati nan afu ica ua yoia, —Un mia yoiai cuscan cunuhuu isca huaquin, “Uhuun Facun Jesús chashoan facu cuscara natian nantifi ahuun yorafo ichanain afu ipashcaquin. Ascan ohuu. Uhuun Facu ahuun yorafo pimai minrifi ato futan pitiro afu ipashquin,” ishon Upa Diosin nannori yoi fasi unimatiro. Nannori Upa Diosin ahuun tsain. Ahuun tsain man icoinra huatiroran, —ishon ua yoia.