Daniel 1:7 - Sharanahua: Diospan Tsain

⁷ Ascashon niaifo Aspenaz ato anu futsa Babilonia tsainman tuqui huani. Daniel anu futsaqui Beltsasar huani. Ananías anu futsaqui Sadrac huani. Misael anu futsaqui Mesac huani. Azarías anu futsaqui Abed-nego huani.

Daniel 1:7 ပူးပေါင်းရင်းမြစ်များ

Génesis 41:45

Ascashon Faraón José anu futsa tuqui huani. Zafnat-panea ahuun anu futsa tuqui huani. Ascan nocofunu ahuun anu Potifera pushu rasi ahuun anu On ano iyopaoni. Nan afin ahuun yorafo ato cufinshomisi ipaoni. Faraón yononi Potifera ahuun facu shomaya ahuun anu Asenat José inannon a fu fiananon. Ascano José Egipcio maifoti ano cahuancacaini.

Daniel 1:19

Ascan nan niaifo Nabucodonosor ahuarafo ato fu tsainpacuni. Ascan nan niaifoan ato fu tsainquin tapini rato pushco futsacai Daniel futan Ananías non Misael non Azarías afoan tapiafo cuscacai tsoan futsan tapinima. Ascan nan rafu non rafuriton nan niaifo Nabucodonosor yonoshonifo.

Daniel 1:3

Ascan Nabucodonosor niaifoan ahuun oinmati nan niaifo patasharinoaton ahuun anu Aspenaz yononi Israeli niaifofoan aton pushcofo mutsisipa sharafo non fuso sharayafoan ahuara futsa futsatapafo tapisharafain futsan yoiai cuscan samamashta tapicointiro. Nanscarafo ato catonon Israeli mai anoshon ahuun pushu ano ato ihuunon. Nabucodonosor niaifo pushu muran nantifi ahuun yonomisifo Aspenaz aton niaifo. Ascan Aspenaz Israeli pushcofo tapimani. Babilonia tsain non aton yorafoan cunua cuscan Israeli pushcofo tapimashquin.

Daniel 10:1

Ascan Persia mai anoafoan aton niaifo ahuun anu Ciro. Fari rafu non fusti finoan aton niaifo imisi. Nantianri Ifo Diosin ahuara tsoa oinyomisima Daniel (nan ahuun anu futsa Beltsasar) oinmani. Ifo Diosin Daniel oinmani chipo ishqui ai cuscan iconcoin. Caifo futsafo afo ranan rutunanshquiaihuunoa ua yoini. Ifo Diosin Daniel yoipaiyai cuscan namai cuscarahuunshon tapimani.

Daniel 2:26

Nicaquin niaifoan Daniel (nan ahuun anu futsa Beltsasar) yoini, —¿Iconmun un nama cuscan mian yoitiromun? ¿Nan un nama cusca huafain mian tapimatiromun? —ishon yocaiton.

Daniel 2:49

Ascan Daniel Nabucodonosor niaifo yocaquin isca huani, —¿Niaifon, u fu rafua Sadrac non Mesac non Abed-nego min yonotiromun nanfoan Babilonia anoafo aton niaifo patasharinoafo inonfo? —ishon yocaiton. —Ai. Min ua yocain cuscan un ato niaifo huairan, —ishon Nabucodonosor niaifoan cumani. Ascaino Daniel Nabucodonosor niaifo pushu muran nituni.

Daniel 4:5

Ascafia yamu futsa uhuun namapan ua ratucoinni. Uhuun oshati anoshon un namaquin oian cuscan ua ratucoiaino un fasi ratui tari tari ini.

Daniel 4:8

Daniel ipaitama uqui oshon un nama cuscan ua tapimani. (Daniel ahuun anu futsa Beltsasar. Nannori uhuun diosi ahuun anu. Diosfo shara aton yoshin Daniel ahuun nomuran nanua. Ascacun anu tuqui huani Beltsasar.)

Daniel 5:12

Nan nocofunun ahuun anu Daniel. Ascan min shuni niaifo Nabucodonosor anu futsa tuqui huani Beltsasaran ishon anuni. Nantifi yorafoan oinni nan nocofunun fasi ahuara tapicoian ahuun mapo fasi shara. Ahuun nomuranshori tapini. Ahuarafohuunoa tapifain futsan shinain cuscan tapifain futsan nama cuscan tapifain futsa yoimisi cuscan futsafoan tapiyamaino nantofin tapisharacoian iniquin. Ahuara tapitimani cuscarafohuunoari nan nocofunun fustiton tapini. Ascan nan Daniel cunahuu nan cunuqui cunua cuscan mia tapimanon, —ishon niaifoan ahuun shanon yoini.