Daniel 1:5 - Sharanahua: Diospan Tsain

⁵ Ascan Nabucodonosor niaifo yononi ahuun tushucoin non ahuun ayati nan fimi uva unu ato ayamanon. Fari rafunon fusti Aspenaz ato shafatifi yosifafainni. Ascan yosiqui anaititan Nabucodonosor niaifo ahuun oinmatifo iishcaquin.

Daniel 1:5 ပူးပေါင်းရင်းမြစ်များ

Génesis 41:46

José tau huaquin nan Egipciofoan aton niaifo Faraón ahuun niaifo patashari iyoaitian ahuun fari treintaya ini. Faraón anoashu cai José nantifi Egipcio mai ano cahuancacaini.

Daniel 1:19

Ascan nan niaifo Nabucodonosor ahuarafo ato fu tsainpacuni. Ascan nan niaifoan ato fu tsainquin tapini rato pushco futsacai Daniel futan Ananías non Misael non Azarías afoan tapiafo cuscacai tsoan futsan tapinima. Ascan nan rafu non rafuriton nan niaifo Nabucodonosor yonoshonifo.

Daniel 1:8

Ascano Daniel shinanni isca huaquin, —Uncai niaifo ahuun tushu piyamafain ahuun ayati un ayaima. Un ascaran piatofin ua chaca huatiroquin, —ishon ahuun nomuran shinanni. Ascaiton Daniel Aspenaz niaifo yocani isca huaquin, —Niaifon Aspenaz, un mia yocapai. Un niaifo Nabucodonosor ahuun tushu un pipaima. Tau huaquin afin rami hua, “Uhuun diosiran,” ishon tushu inan. Nanscaran tushu un picun ua chaca huamatiro. ¿Ascacun un futsa cuscaran pitiromun? —ishon Daniel niaifo Aspenaz yocani.

Mateo 6:11

Shafatifi nocon tushu non yopai cuscan noco inanhuun.

Lucas 1:19

Afanan cumaquin, —Unfi Gabrielquin. Un Dios fu imisi. Ascacun nanton ua nichian un ahuun tsain shara mia yoinon.

Lucas 11:3

Shafatifi nocon tushu non yopai cuscan noco inanhuun.

Lucas 21:36

Ascacun itisharayanan Upa Dios cufifafaincahuun omitsiscaitian ahuun curushhuunshon mato amapaiyai cuscacoin huashcaquin. Ascashu man chipo uqui nocoaitian un matoqui unimatiroran, —ishon Jesús ato yoini.

1 Samuel 16:22

Saúl fasi Davidhuun noicoinquin apa Isaí tsain fomani isca huaquin, —Un Davidqui fasi unimai. Ascan ua David yoishopun u fu nitutiromainquin uhuun oinmati iishquin, —ishon Saúl Isaí yoini.