Apocalipsis 8:7 - Sharanahua: Diospan Tsain

⁷ Ascan futsan ahuun manuti chaan chaan acaino unu matsi tocoromishti yafi chii imia osia mai ano pacua. Ascaino mai cashcu futsa man coi cuyoa. Un tercero del maitio man coi cuyoa. Nantifi mai anoa fasifo yafi ihuifo man coi cuyoari.

Apocalipsis 8:7 ပူးပေါင်းရင်းမြစ်များ

Éxodo 9:33

Ascaino Moisés Faraón pushu murannoashu caincaitan pushu rasi mapai caintan ahuun mucu rafu nai ari mushainacahuan nocon Ifo Dios cufini. Cufiainno nai turuica yafi unu matsi tocoronunhuanfo pacui nishmariscatani. Afanancai oin huarasi funima.

Santiago 1:11

Farin fanafo tsacaino samamashta tsasitiro. Ascashu niriqui futsutiro afanancai shara itiroma. Nanscarifiai nan mafo ichapaya ahuun mafo inanmitsapaifiai samamashta nariscai amaqui cachitiro.

Josué 10:11

Nan mucu fustiti Amorreo niaifofo futan aton ranushumuafoya ichoaifoanno nocon Ifo Diosin nai muranshon unu matsi tocoro uhuapacoin atoqui potaino ichapacoin nai futsunifo. Israelifoan ato nopun rutua finonmacaifain nocon Ifo Diosin unu matsi tocoronun uhuapacointon fasi ichapacoin ato rutuni.

1 Pedro 1:24

Un mato ahuara futsa tapimapai man tapisharanon. “Faasi taui foaisharafiashu chipo samamashta tsasitiro. Charofori taui sharashtacoin iyofiashu chipo samamashta tsasitiro afanancai non ointiroma. Nanscarifiai nantifi yoraforicai chai nipatirofoma. Nantifi non nai futsushquin.

Apocalipsis 12:4

Ahuun ina sharafoaino atirifi fishi nai murannoashu mai ano pacua. Nanscarifiai Upa Diosin ahuun oinmatifo Satanás atirifi ato chaca huamani. Ascan ahuunoashu a cuscara yoshin chacafori ato imano nai muranshon Upa Diosin ato potafain mai ano ato nichini. Ascacun nannoshon nan Satanás famanhuan cuscaraton ainfo facu caiyainton cushua caintanaiton facu piishquin.

Apocalipsis 16:2

Nicacashon Diosin oinmati futsan tauhuaqui ahuun tutso nai muranshon mai ano oca. Nan yoina pofu cuscara ahuun anu aton mucu iyamarai aton fumananqui cunuafo yafi afin ramihuamua ointsa ifoanfono nanfo aton yoratisho coo suyacoin fuchiriscata isincoin tunutirofoma.

Apocalipsis 16:21

Nantianri unu matsi tocorofo uhuapacoin aton ihuu cincuenta kilos cuana nai murannoashu yorafo fuchi pacua. Ascafia aton chaca shatutamarocon, —Diosin fasi chacacoin. Nan unu matsi tocorofo uhuapacoinun noco omitsiscamairan, —ishon yoiafo.

Apocalipsis 6:8

Ascan caballo futsa fasi pashicoin nocotoshiaiton un oian. Nan caballo camaqui futsari tsaoa ahuun anu Namamisi. Nanton yorafo namatiro. Ascashon nantori yoia isca huaquin, —Un yorafo namapairan, —huaiton Diosin yoia, —Ai. Min atiroran, —huaa. Nan Namamisi cachiori futsan oa. Ahuun anu Namisifoanno ica. Ascano nan namamisihuunoashu mani futsafoya futsafo rutunancani atirifi tushuoma fonicani naifoanno atirifi pau futsa futsatapafoan ato namaino atirifi yoinafoan ato rutua nacani. Ascashu fasi yorahuanrasi nashcani. Tsoan ato tanan huatiroma un oian.

Apocalipsis 7:1

Ascatan afanan un oian cuscan un mato tapimai. Diosin ahuun oinmati rafu non rafuri afu nai muran imisifo un oian. Futsa fari oaiquiri niaino futsari fari caiquiri nia. Ascan futsa fari oai istafari niaino futsari fari cai istafari nia. Ascaino nihuu nishmapacufoanna. Afananricai nantifi maifoti anoa nii puifo puri puricama. Unuhuanri afanan fuchoima pusiquima raca.

Apocalipsis 9:15

Nanno nan yoshin chaca rafu non rafuri afin itisharamisifo. Ascan rato hora yafi rato shafatan non rato oshu non rato farimain ato caimanaitian atirifi yora mai anoafo la tercera yorafo ato rutushcani.

Apocalipsis 9:18

Nanfoan yora ichaparasi man namafo. La tercera manifoti man ato namafo.

Apocalipsis 9:4

Ascashon ato yonoa isca huaquin, —Mai anoafo fasifo yafi fanafo non ihuifori chacana huayamacahuun. Ascan tsoan uhuun yorafoma aton fumananquiri uhuun anu nutamuafoma nanfo fusti man ato tucatiro. Ascafia ato rutuyamacahuun. Ato rututama mucu fustiti oshu man ato omitsiscahuatiroran, —ishon ato yonoa. Ascacun ato tucafoanno nan icoinra huamafo inapapia muutsa mucani fasi omitsiscafo.