Apocalipsis 7:16 - Sharanahua: Diospan Tsain

^16-17 Diospan Furun nan chashoan facu cahuanshara cuscara Upa Dios fu imisi naanfin ato cushumisi ipashquiquin. Ascanocai afanan tsoa foniyamacai nomipacunacafoma. Afananricai farin ato tsacaima. Ascashon Jesús ato iyoaino unimapacunacafo. Ascacun Upa Diosin aton ointi fupuashoshquin afanan uainonfoma, —ishon yoia.

Apocalipsis 7:16 ပူးပေါင်းရင်းမြစ်များ

Salmos 121:5

Nocon Ifon Diosifin noco cushuaquin. Nanfin no fu niaquin. Noco farin tsacanonma noco mata huashoshara.

Salmos 121:6

Ascan nan nocon Ifoan noco cushuaino noco farin shafatan ahuusca huanonma. Yamuri oshun chashashon noco chaca huanonma.

Salmos 42:2

Uhuun nomuran un mia fasi shinain. Un fasi nomicoin nan unu yopai cuscari un fasi mia yopacoin min ua ashoai cuscan min ua shinanmasharanon. ¿Uhuun Upa Diosin ahuutian un miqui catiromun mi fu iishquin?

Salmos 63:1

Upa Diosin minfin uhuun Diosiquin. Un mi fu rafupaicoin. Tsoa nomicoin unu yopatiro. Nanscarifi ai unfin nan nomiyai cuscaraquin uhuun nomuran un mia yopacoin. Un mua uhuun nomuran un mutocoin. Atsanacoin cafiscai mia funai.

Mateo 13:6

Fari tsacaqui yositimahuaino man naa. Ahuun taporicai chai foama ini. Ascashu fanafo nai cuyoa.

Mateo 5:6

Ascan nan ratoranfo Diosifu ipaiquin ahuun tsain tapipaiquin finaifo a cuscara shara iishcaquin. Nan cuscarafoan fuchipaiyaifo cuscan Dios ato imatiro a cuscara shara inonfo.

Marcos 4:6

farin tsacaqui yositima huani. Ascano nani. Ahuun tapo chaimashta foanno fanafo nai cuyoni. Tsasi futsuni.

Lucas 1:53

Ratoran futsa ahuuomafo foni cuscarafo fasi Diosihuunoa tapipai tanasharashcaquin. Nanscarafo Diosin ato cushusharatiro. Ascashon ahuara yopai cuscan ato inansharafain a tanasharaifoanri ato unimamashquin. Ascashon ahuara ichapa ayafofiashu Diosihuunoa shinanyamaifo copiquirifi ato ahuara inainma. Man mafo ichapayafiashu ato nomuran shinansharayamafain tsoa unimamisima.

Lucas 6:21

Man natian Dios fu rafupaicain ahuun tsainri man tapipaiquin finai a cuscara shara iishcaquin. Man ascafia Diosin chipo mato imasharai a cuscaracoin man inon. Natianri man uaifiashu chipo man shuchitiro. Ascacun unimacahuun.

Juan 4:14

Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.

Santiago 1:11

Farin fanafo tsacaino samamashta tsasitiro. Ascashu niriqui futsutiro afanancai shara itiroma. Nanscarifiai nan mafo ichapaya ahuun mafo inanmitsapaifiai samamashta nariscai amaqui cachitiro.

Apocalipsis 21:4

Ato cushusharashquin afanan tsoa omitsiscatiroma. Atohuun ramapai tsoa uaicai ato shinanmasharatiro aton fuon turuashontiro afanan shinanchacai cuscan pusitama unimanon. Ato cushuaino tsoashta afanan nayamacain manoyamacain uaiyamacain isin mucanimaran, —ishon yoia. Ahuara chacafo iyopaoni cuscacai afanan ascanacama.