Apocalipsis 20:9 - Sharanahua: Diospan Tsain

⁹ Manifoti cunua ato ichanan huashquin Diospan yorafo icano ato cufuacufoanifo ato rutushquin. Ascafiacun Upan Diosin ahuun yorafo fasi noiquin ato numashqui. Nan yorafo Satanás ichanan huaa nai muranshon ato camaqui chi urumanhuan potai nai futsunonfo.

Apocalipsis 20:9 ပူးပေါင်းရင်းမြစ်များ

Génesis 19:24

Ascashu nocoaino Ifon Diosin nai muranshon chii yafi foi chashcaica Sodoma yafi Gomorra camaqui ocani.

Números 11:1

Nannori ato yoifianicun Israelifoan tsain chipunifo. Ascashon yoinifo, —Nonfin fasi omitsiscaicain, —ishon tsain chipuaifoan nocon Ifo Diosin ato nicain atoqui fasi sinani. Ascashon atoqui chiihuan otani coononfo. Nan pasoato icafori atirifi cooi futsunifo.

Números 16:35

Nantianri nan doscientos cincuenta nocofunufo pala uhuapamashta murannoa inin shara coaino Ifo Diosin nai muranshon aton puchi camaqui chii uruai potatanaino nai cuyocoinnifo.

Lucas 17:29

Nanscarifi ariaifoanno Lot Sodoma anoashu caani. Diosin yonoa cuscan. Nantianri Diosin yononi nai murannoashu chihuan atoqui pacunon. Ascaino Sodoma anoafo cuyocoinnifo.

Lucas 19:43

Mancai tapiama un mato cushunon Diosin ua catonfiacun, tsoancai mato noicasmamisifoan mato ahuuscara huaiton mato numatiroma. Mato chituacuafo nantia iqui furancatan mato rutuquin anaitishocani. Matofo yafi maton facufo rutuqui cuyoshcani. Maton pushufo paoinquin futsui. Diosin ua matoqui nichifiacun man ua nicacasmaiton mato asca huashcaniran, —ishon Jesús ato yoini.

Lucas 21:20

Mato noicasmaifo aton ranushumuafoan Jerusalén chituacuaifoan oinquin man tapitiro man samamashta Jerusalén cuyoi.

Lucas 9:54

Ato asca huaifoan nicashon afu rafuafo rafu Santiago futan Juanpan Jesús yoinifo, —¿Ifon, min noco yonopaimun atohuunshon non Upa Diosin cufinon nan pushurasi nai muranshon chii atoqui pota nai cuyononfo? —ishon yoiaifoan.

Hebreos 13:13

Ascan norifi Jesús ipaoni cuscan non anoncahuun. Ascashon ahuun yorafoan nan potanifo cuscan huaquin nocorifi noco yorafoan noco potatiro. Ascashon Jesús roanifo cuscan nocorifi ahuunshon noco roatirofo. Ahuunoari shinanchacamisifo cuscan nocorifi ahuunshon nocohuunoari shinanchacatirofo.

Apocalipsis 11:5

Tsoara futsan nan Diospan tsain yoimisi rafu noicasmafain chaca huapaiyaiton nan rafutan aton ashfa muranshon chii siiatanaino ato namashquin. Ascacun tsoan ato chaca huapaiyai nan yorafin naashquiquin.

Apocalipsis 13:13

Ascashon ahuamamishti tsoa atiroma cuscan ato isma. Yorafoan aton ointaifiri nai murannoa chii pacumana.