Apocalipsis 17:9 - Sharanahua: Diospan Tsain

⁹ Ascan tsoan ahuun nomuran Diosihuunshon cayacafi shinantiro nanton un rama cunua cuscan tapitiro. Na yoina pofuhuunoa mato yoinon ua nicasharacahuun. Ahuun mapo siete mapocointamarocon nanfohuunshon siete niaifohuunoa noco tapimai. Nanfo icano siete machifo. Nannori nan ainfo furoma cuscara ica.

Apocalipsis 17:9 ပူးပေါင်းရင်းမြစ်များ

Daniel 12:4

Daniel na cunu fupocoinhuun tsoan oinyononma. Ascan nan maifoti cuyoaitian min fuputiro nantifishon oinonfo. Nan ahuun unutani yora ichapafo foanfafaicani fasi paratama tapinonforan, —ishon nan nocofunun ointsa nai murannoashu uqui oa ua yoini.

Mateo 13:11

Jesús ato cumani, —Ahuuscashomain Upa Diosin ahuun yorafo iquiniquin mato fusti tapimai. Ascan nafocai ato tapimaima.

Mateo 24:15

Ascacun Daniel nan Diosin tsain yoimisiton inon pacoai cuscan cunuqui isca huani, “Dios fu tsainti pushu muran ahuara fasi chacacoinfo futsafoan huanonpacoinran,” ishon cununi. Ascacun nan tapicahuun. Daniel cununi cuscacoin aiton oin nan Judea ano icafoan machi ari ichoriscatacahuun.

Apocalipsis 13:1

Ascan uhuun namapan ointsa ua oinmana cuscan afanan un mato tapimai. Unuhuan cusumun un niano yoina cuscara musucoin unuhuan murannoashu cainacahuanaiton un oian. Ahuun caya fustifiashu siete mapoya. Ascan ahuun mashori diez ya. Nan ahuun mashoti niaifoan maiti maia. Ascanshon Upa Diosiqui tsain chaca huaquin ahuun fumananfoqui cunu futsa cuscarafo nutan.

Apocalipsis 13:18

Ascacun shinansharacahuun. Ratoranfoan Diosihuunshon shinansharaqui tapitirofo nan yoina pofu cuscaraton ahuun numero tapifain ahuun anurifi tapitiro. Ascan nan yoina pofu ointsafiashu nocofunucoin. Ahuun numero 666.

Apocalipsis 17:18

Na ainfon furomacoin cuscara ainfocointamarocon naanfin pushurasi uhuapacoin. Nanfoan manifoti aton niaifofo iquinaran, —ishon Diospan oinmatinin afu nai muran imisiton ua yoia.

Apocalipsis 17:3

Asca huashon tsoan istaipama ano Diospan Yoshin Shara ua iyoa. Nannoa un oian nan ainfon yoina pofu cuscara oshicoin camaqui tsaoa. Nan yoina pofu ahuun yoratishon anu ichapa cunua. Nantifi nan anufo Diosqui tsain chaca cunua. Nan yoina pofu mapo siete ya. Masho mucu rafutiya.

Apocalipsis 17:7

Un ascaino Diosin oinmati afu nai muran icaton ua yoia, —¿Ahuuscain min mustairimun? Nan ainfo yafi nan yoina pofu camaqui cahuamisi nanton siete mapoya non masho mucu rafutiya tsoan atohuunoa tapimisima. Ascan natian un mia tapimai.