Apocalipsis 17:3 - Sharanahua: Diospan Tsain

³ Asca huashon tsoan istaipama ano Diospan Yoshin Shara ua iyoa. Nannoa un oian nan ainfon yoina pofu cuscara oshicoin camaqui tsaoa. Nan yoina pofu ahuun yoratishon anu ichapa cunua. Nantifi nan anufo Diosqui tsain chaca cunua. Nan yoina pofu mapo siete ya. Masho mucu rafutiya.

Apocalipsis 17:3 ပူးပေါင်းရင်းမြစ်များ

Mateo 27:28

Ascashon ahuun sahuuti shorifain futsa shonan sahuumanifo.

Hechos 8:39

Unu cusumun nocoafono Diosin ahuun Yoshin Sharapan mai futsari Felipe iyoriscatani. Nocofunun oinni Felipe yamariscatanaiton afanan oinnima. Ascafiashu fasi unimai ahuun mai ari cani.

2 Tesalonicenses 2:4

Ascan niyoshon nan nocofunun chaca yoishquin isca huaquin, —Un nantifi finoncoian. Nan man yoia, “Nocon Diosiran,” ishon cufimisifo. Ascan nancai Diosimaran, —ishon ato yoishquin. Ascatan Dios fu tsainti pushu muran iquishon ato yoishquin isca huaquin, —Ahuara futsa cufiyamafain ahuara futsari noiyamacahuun. Unfin Diosiquin, —ishon ato paranshquin.

Apocalipsis 1:10

Nanno domingo futsaino Diosin Yoshin Sharapan ua iquifain nan tapimapaiyai cuscan ua tapimashquin. Ascashon ahuara namapan cuscarahuunshon man ua ismacoian. Ascaiton ucachiorinoa tsain achacoin un nicariscatana. Nan manuti nicatsa un nica.

Apocalipsis 12:14

Ascacun Diosin nan ainfo tutumanhuanun pui chainipa cuscara inan ahuun noyacaini cashu tsoan istaipama ano iyonon. Nannoshon Upa Diosin fari rafu non fusti nushmancayan cushusharayoa nan yoshin chaca rononhuan cuscaraton ahuusca huanonma.

Apocalipsis 12:3

Ascatan nantianri nai murannoa ahuara tsoan oinyomisima cuscara un oian. Nan Satanás yoshin chaca famanhuan cuscarafiashu oshicoin siete mapoya. Ascashon ahuun mapotifi niaifoan maiti maia. Ascatarifi mucu rafuti mashoya.

Apocalipsis 12:6

Ascacun tsoan istaipama ano Diosin nan ainfo ati shara huashoni nanno ichonon. Nan mai ano fari rafu non fusti nushmancayan Upa Diosin nan ainfo cushusharafain pimasharani ahuuscanonma.

Apocalipsis 17:18

Na ainfon furomacoin cuscara ainfocointamarocon naanfin pushurasi uhuapacoin. Nanfoan manifoti aton niaifofo iquinaran, —ishon Diospan oinmatinin afu nai muran imisiton ua yoia.

Apocalipsis 17:4

Nan ainfon saya chainipa shonan yafi oshin sahuua. Oro facafacaitsa macush cuscara sharashtan yafi futsan ahuun anu perla oshopa nanri sharashtacoin sahuua. Tutso oro tsoma amuran ahuarafo chacacoin. Amuran nanua cuscan yorafo ahuara chacacoin futsa futsatapafo chaca huama. Aton nomuran shinanchacamana. Paunmafain chanimisi imafain aton ahuinma chotamisifo imafain aton funuma chotamamisifo imafain nanscara chacafosi ato imapacumisi.

Apocalipsis 18:12

Nocon oro sharashtacoin fianmafain nocon torofo oshoshtacoin fianmafain nocon toquirifo faca facaitsa chicoin fianmafain nocon toquiri futsan ahuun anu perla fianmafain nocon pano futsa futsatapafo fianmafain nocon ihui inin sharashtacoin futsa futsatapafo fianmafain toquiri curushcoin oshopa sharashtacoin ahuun anu marfilhuunshon ahuarafo onihuafain ihui chicoinhuunshon ahuarafo onihuafain cuno ahuun anu broncehuunshon ahuarafo onihuafain cuno futsan ahuun anu fierohuunshon ahuarafo onihuafain toquiri ahuun anu marmolhuunshon ahuarafo onihua nanfo afanan fianmafain.

Apocalipsis 18:16

“¡Ohuashta! Rato futsafocai Babiloniafo cuscarama. Ahuun yorafo sahuuti sharashtacoin sahuumisifo. Sahuuti shonan shara non oshin shara non oro toquiri faca facaitsa chicoin non toquiri futsa ahuun anu perla sahuutihuun nua nanscara sahuuafo.

Apocalipsis 21:10

Ascan Diospan Yoshin Sharapan ua iquinaiton Diospan nai oinmati ua machi uhuapa cuyacoin camaqui iyoa nantifi un oinnon. Jesús icoinra huafo nan Dios icanoafo aton chaca soashona nanfo nai murannoa Upa Dios icariashu fotoaifoan ua isma. Nan machi cuyacoin anoshon ua isma. Nanfo icano ahuun anu Jerusalén funa. A muran icafo Jesús tanasharamisifo. Upa Diosiri atofu ica. Nanno fasi faca facaitsa. Toquiri faca facaitsa cuscara. Fasi sharashtacoin. Nan toquiri ahuun anu jaspe tsosia shara toquiri futsan ahuun anu cristal. Faca facaitsa cuscara.

Apocalipsis 4:2

Ua yoitapaiyaino samamashta Diosin Yoshin Sharapan ua shinanmatana. Ascashon ua iquipaiyai cuscan ua iquina. Ascatari nan oi un nica ari ua iyoa. Nanno niaifoan tsaoti uhuapa shara un oian. Nocon Ifo Diosin tsaoan.