Apocalipsis 16:21 - Sharanahua: Diospan Tsain

²¹ Nantianri unu matsi tocorofo uhuapacoin aton ihuu cincuenta kilos cuana nai murannoashu yorafo fuchi pacua. Ascafia aton chaca shatutamarocon, —Diosin fasi chacacoin. Nan unu matsi tocorofo uhuapacoinun noco omitsiscamairan, —ishon yoiafo.

Apocalipsis 16:21 ပူးပေါင်းရင်းမြစ်များ

Éxodo 9:18

Natiafin min ua tapincai. Funamari un unu matsi tocoronunhuafo min mai ano potai. Min non min yorafoanricai ascara oinyomisima.

Éxodo 9:22

Ascaino nocon Ifo Diosin Moisés yoini isca huaquin, —Nai ari mutohuun Egipcio maifoti ano unu matsi tocoronunhuanfo yorafo non inafo non fanafo camaqui pacunon, —ishon yoini.

Josué 10:11

Nan mucu fustiti Amorreo niaifofo futan aton ranushumuafoya ichoaifoanno nocon Ifo Diosin nai muranshon unu matsi tocoro uhuapacoin atoqui potaino ichapacoin nai futsunifo. Israelifoan ato nopun rutua finonmacaifain nocon Ifo Diosin unu matsi tocoronun uhuapacointon fasi ichapacoin ato rutuni.

Apocalipsis 11:19

Ascaino Diosin icaria Dios fu tsainti pushu fupucuaiton un oian. Nan Upa Diosin Israelifo yononi cuscan cunuacua cashon muran nanuaiton un oiainno canan facaicain nai turuica curushcoin icain mai nayanaiyaicain unu matsi tocorofo nai murannoashu mai ano pacui.

Apocalipsis 16:11

—Diosin noco asca huaa. Ascan nocon yoratishon coo suyacoin non isin tunutiroma. Nan nai murannoa Dios chacacoinran, —ishon yoifiashu aton chaca shatuafoma.

Apocalipsis 16:9

Farin fasi shanacoinquin yorafo coa. Coaino omitsiscafo. Man tapiamisifo Diosin ato onaintimai aton chaca shatuafoma. Dios ifoantamarocon. —Diosin noco chaca huai. Ahuun cuscaramain Diosiquin. Chacacoinran, —ishon yoiafo. —Diosifin sharaquin. Nantofin ahuamamishti huatiroquin, —ishoncai tsoan anori yoipaicanima.

Apocalipsis 8:7

Ascan futsan ahuun manuti chaan chaan acaino unu matsi tocoromishti yafi chii imia osia mai ano pacua. Ascaino mai cashcu futsa man coi cuyoa. Un tercero del maitio man coi cuyoa. Nantifi mai anoa fasifo yafi ihuifo man coi cuyoari.