2 Samuel 5:6 - Sharanahua: Diospan Tsain

⁶ Ascan chipo David Israeli ranushumuafo iyoni pushu rasi ahuun anu Jerusalén anoshon Jebuseofo potanonfo. Ascan Jebuseofoan David yoini isca huaquin, —Min noco Jerusalén pushu rasi muran iquipacunacama. Fushofo non chatofoanri mia nituhuatirofo min nuno iquinonma, —ishon yoinifo. —David nocon pushu rasi muran iquitiromaran, —ishon shinannifo.

2 Samuel 5:6 ပူးပေါင်းရင်းမြစ်များ

Génesis 14:18

Nantiari niaifo futsan ahuun anu Melquisedec Abramqui noconi. Nan Melquisedec Salem pushu rasi anoafoan aton niaifo ini. Ascan Diosifin nantifi mai anoafo yafi nai murannoafori finoncoianquin. Nan Melquisedec yorafohuunshon Diosi cufinmisi ipaoni. Nanton misi yafi fimi ahuun anu uva Abram fushoni.

2 Samuel 22:30

Min curushhuunshon un ranushumua mani futsafo un cuyotiro. Un minhuunoashu cunu cuyacoin ari inatiro.

Hebreos 7:1

Ascatarifi natian un Melquisedechuunoa mato yoinon. Nanfin Salem pushurasi anoafoan aton niaifo iniquin. Nanrifi nantifi yorafohuunshon Dios cufimisi futsafo finoncoian ini. Nanfin Abrahamqui noconiquin. Nan mucu fustiti niaifofo yomutso chacafo ato ichoshon ahuun piaca mafofo yafi futsafoan mafoforifi afanan ato fishotani Abraham oaino nan Melquisedec Abrahamqui fai pochinin noconi ahuun pushu ano naso curani oaino. Ascashon isca huaquin yoisharani, —Abraham, Diosin mia shara huairan, —ishon yoini.

Josué 10:3

Ascano Jerusalén anoa aton niaifoan Adonisedec niaifo futsafo cunu fomani. Hebrón icanoafo aton niaifo Hohan fomafain Jarmut icanoafo aton niaifo Piream fomafain Laquis icanoafo aton niaifo Jafía fomafain Eglón icanoafori aton niaifo Debir cunu fomani.