2 Samuel 22:2 - Sharanahua: Diospan Tsain

² —Uhuun Ifo Diosin min uhuun cushumisicoincun. Un miqui ichotiro min ua cushunon. Min uhuun numamisi ahuara chacafoan ato oinmati un inonma.

2 Samuel 22:2 ပူးပေါင်းရင်းမြစ်များ

2 Samuel 22:32

Nocon Ifo fustifin Diosiquin. Nan fustifin toquirininhuan cuscaraquin. Tsoan Diosin shucatiroma noco cushunonma.

2 Samuel 22:33

Diosifin cunu cuyacoin pushu rasi tarati hua cuscaraquin. Ahuun curushhuunoashu noco noicasmaifocai nocoqui nocotiroma. Diosihuunoashu non isharatiro noco ahuusca huanonfoma.

Salmos 42:9

Uhuun Diosin, minfin toquirininhuan cuscaran mutsisipacoinquin tsoancai mia shucatiroma. Ascan un mia yocain isca huaquin, —¿Ahuuscai mian ointiaquimamun? Ua noicasmamisifoan ua omitsiscamaifoanno uhuun nomuran un fasi shinancoian. ¿Ahuuscaquin mian numamamun un afanan omitsiscanonma?

Salmos 91:2

Un Ifo Diosihuunoa yoi isca huaquin, —Ifo Diosi uhuun Numamisi. Ua cushuanocai ahuara chacafo uqui nocotiroma. Uacai ahuusca huatiroma. Uhuun Ifo Diosi un icoinra huairan, —ishon un yoishquin.

Mateo 16:18

Un mia afanan yoi. Minfin Pedroquin, —ishon Jesús yoini. Ascan Pedrofin Israeli tsainman toquirininhuan. Tsoan putsiquitiroma. Ascasho Jesús afanan yoiqui isca huani, —Min yoia cuscahuunshon futsafoan aarifi icoinra huashquicani. Ascaifoan uhuun yorafo un ato imashquin. Yoshin chacafoan aaton curush huahuunshon ato namapaifiaquicai ato shatuyamafain aato finontiroma.

1 Samuel 2:2

Tsoa futsacai mia cuscara sharacoinma. Mirus fusti min noco Numamisi. Mirus fusti min ahuamamishti huatiro. Toquirininhuancai tsoan shucatiroma. Nanscarifi ai min nocon Diosi min acai cuscacai tsoan mia nitu huatiroma.

1 Samuel 24:2

Cashon nica Saúl tres mil ranushumuafo catonni a futan David funai fononfo. Cabrafo tsoan ifoyayamafiashu toquirifo ano foafafainnaifoanno Saúl fu fonifo David funai focani.