2 Samuel 12:20 - Sharanahua: Diospan Tsain

²⁰ Nicain David funinacahuan nashicain shiran icain sahuuti futsa sahuufain Diosi fu tsainti pushu muran iquishon nocon Ifo Diosi cufifain ahuun Ifo Diosihuunoa yoisharani. Yoiquin anaititan ahuun pushu ano nasoni piishquin.

2 Samuel 12:20 ပူးပေါင်းရင်းမြစ်များ

2 Samuel 12:19

Ascaifoan David ato oinni fashushu yoinainfoan oinquin ahuun nomuran shinanni man facu naa. Ascaifoan oinquin ato yocani, —¿Uhuun facushta man naamun? —ishon ato yocaiton. —Ai. Man naaran, —ishon yoinifo.

2 Samuel 12:21

Ascaiton oincaquin ahuun niaifo patasharinoafoan yocani, —Niaifon, min acai cuscacai non tapiama. Min facu nataima min piqui tunufain fasi min uaica. Ascan min facu naano min funishon min piaran, —ishon yoinifo.

Salmos 103:1

Uhuun nomuranshon un shinan isca huaquin, —Nocon Ifo Diosihuunoa yoisharahuu, —icashu un yoimua. Uhuun nomuranshon un yoia nan nocon Ifo Diosi fusti sharacoin. Tsoa futsacai a cuscarama.

Salmos 103:8

Nocon Ifo Diosin nocohuun ramapaicain noco shara huashomisi. Nancai nocoqui funa sinaima. Nocohuun noicai unupacunacama.

Mateo 6:17

Ascatamarocon man piqui tunuaitian fuchoquimucain foshti isharashon Dios shinancahuun. Man ascaitocai futsafoan mato oinfiaquin tsoan tapitiroma man piqui tunufiaiton. Ascafia Diosin fustichifin tapitiroquin. Ascashon nan icari man nocoaitian mato ahuara sharashta inanshquin.

Lucas 7:46

Ascan mianricai uhuun mapoqui shuni ocama. Asca na ainfoanfin uhuun tauqui ininti ocaquin.

1 Samuel 15:25

Ascafiacun un chaca hua cuscan ua rauhuahuun. Afanan afohuunoa shinantamarocon u fu capun nocon Ifo Diosi non cufinyonon, —ishon Saúl yoiaiton.

1 Samuel 15:31

Ascatan Samuel a fu cani. Saúl nocon Ifo Diosi cufini.