2 Samuel 1:2 - Sharanahua: Diospan Tsain

² Ascan iyoconaino nocofunu Saúl nanoashu David icano noconi. Ahuun sahuutifo fashnu fashnuatan ahuun mapoqui mai mapo ocani. Ascaquifin ato ismaniquin Israelifo shinancoinquin. Davidqui nocotan maiqui fuoshonpacucahuani David niaifo shara ismashquin.

2 Samuel 1:2 ပူးပေါင်းရင်းမြစ်များ

Génesis 22:4

Osha rafu non fusti finontan nan machi chaicunoa fuchini.

Génesis 37:29

Man iyoafoanno iyoa Rubén chipo nocotan pozo ano funani. Funafiaquicai fuchinima. Ascatan fasi uaiyanan ahuun camisa fashnuqui futsani. Oinmashquin a chipocun fasi noicoin ai.

Génesis 37:34

Ascatan ahuun camisa shara fashnuqui futsatan chocashta sahuuni. Ascashu uaiqui unupaonima.

Génesis 43:28

Afanan fuopacufoancatan cumanifo, —Nocon upa afin natian nia. Ahuuscaima shararan, —huanifo.

2 Samuel 1:3

Ascaiton David yocani isca huaquin, —¿Raniashu min oamun? —ishon yocaiton. —Un Israeli ranushumuafo icanoashu nuno ichoaran, —ishon cumani.

Mateo 12:40

Jonás shimanoan shaqui muran osha rafu non fusti iyoni cuscan. Nanscarifiai un Diospan Facu mai muran osha rafu non fusti un iyoshqui.

Mateo 16:21

Ascatan nantian yafi nan achiaifotian Jesús noco shafacafi yoiqui isca huayofafainpaoni, —Un Jerusalén ano cai. Nannoshon nocon niaifofoan ua omitsisca huafain ua ato rutumafiafo osha rafu non fustitan un afanan funishquiran, —ishon noco yoini.

Josué 7:6

Ascano nan nicatan Josué fasi shinancoinni. Ahuun sahuutifo fashnu fashnuani Diosin tsain nan casho muran nanua naman fuopacucahuani. Nan fari caitishon nanscai fuoshon nocon Ifo Diosi cufini. Israeli niaifo patasharinoafoanri nansca huanifo. Aton fuyamisi cuscan mai mapo aton mapomaqui huanifo nan shinancoiainfo cuscan ismashcaquin.

Apocalipsis 3:9

“Futsafo arifi Judio cainfianishaquicai ua icoinra huafoma. Ascan nanfocai Diospan yorama. Nanfo chanimisifo. Ascacun un ato yonoshquin mato fuoshopacufoan yoinonfo isca huaquin, ‘Icon. Diospan Furun matohuun noicoin,’ ishon matohuunoa yoishcani.

1 Samuel 20:41

Ascan facu caiton David toquiri putsamuinia ano ocuma futsa onu ano Jonatánqui nocoshon David maiqui fuoshopacucahuan rafu non fusti ashoni. Asca huatan icononancunfoancatan uaiquitanannifo. Nan rafu uaicaifono David uaiqui finacoinni.

1 Samuel 4:12

Ascano nan nocofunun Israeli mani futsa Benjamín ahuun funa nan rutunainfoannoashu ichoni. Ascashu Silo ano noconi. Nocoaiton oiainfono ahuun sahuuti fashnu fashnu ani mai mapori ahuun mapo camaqui masaica ini.

1 Samuel 4:16

Ascano nan nocofunun oian cuscan Elíqui chanini. Yoiquin isca huani, —Nan rutunainfoannoashu un ramashta nocoa. Na shafata un rutunainfoannoashu un ichoaran, —ishon yoiaiton. —¿Uhuun facushtan ua yoihuun ahua finoanmun? —ishon Elí yocaiton.