2 Pedro 2:7 - Sharanahua: Diospan Tsain

^7-8 Ascan nan Sodoma yafi Gomorra coataima nan nocofunun Lot Diosin yononi cuscan tanacoianshu isharapaoni. Ascan nanno icafoan chaca fustisi shinanpaonifo. Ascaifoan shafatifi Lotpan ato oinni chacanisi tapiaifoan. Ascaifoanno ahuun nomuran fasi fucash mupaoni. Nocofunufoan shafatifi tsain mutsama yoifafainafoaino nicai ahuun nomuran fasi ihuucoin muuni. Ascacun Diosin nan fusti numani chaca huamisifoya nanonma.

2 Pedro 2:7 ပူးပေါင်းရင်းမြစ်များ

Génesis 19:16

Ascashon yoifiafocai Lot cariscayamaiton nan rafutan Lot yafi ahuin non ainfacu rafu mutsofainifo ato pushu rasi anoshon ato ichoquini. Diosin atohuun ramapaiquin ato cushusharani.

Génesis 19:29

Nanscafin Diosin nan rafu cuyoqui huaniquin. Nan Abraham cufinta cuscan Lot numani nanonma.

2 Pedro 3:17

Un mato yoia cuscan man man tapia. Ascacun oinfain marifi nan Diosin tsain nicacasmafoan mato amaquiri yosiaino man nicanonma. Man Jesús icoinra huacoinnaiton mato cushusharatiro. Ascafia nan amaquiri yosimisifo man nicaino marifi man funotiro. Ascashon man afanan amaquiri shinantiro.

1 Corintios 10:13

Satanás mato chaca huamapaiyai cuscacai marus fusti man mumisima. Man muai cuscari nantifi icoinra huafoan man mumisi. Ascafiacun Diosin mato yoimisi cuscan man icoinra huatiro. Matori cushusharatiro man chaca huanonma. Satanás mato chaca huamapaiyai cuscan Dioshuunshon mato atima huatiro man chaca huanonma. Ascashori Diosin mato tapimai ahuuscashomain man chaca huanonma.

Génesis 13:13

Nan Sodoma anoa nocofunufoan fasi chacacoin huapaonifo. Nanfoan nocon Ifo Diosi nicacasmafain chacasi huapaonifo.

Génesis 19:22

Ascafia ichoriscatahuun. Min ari nocoataima uncai ahua ahuusca huayotiromaran, —ishon Diospan oinmatinin yoini. Ascacun natian yafi nan ipanaca nan pushu facufo anumisifo Zoar. Nan tsain Zoar yoipai, —Pushu facuforan, —huamisifo.

Génesis 19:5

Ascashon oi ashcafinin cunanifo, —¿Ranimun nan nocofunu rafu min pushu muran iquiafoquin? Noco ato caimashohuun non ato chotanon, —ishon yoaifoan.

2 Pedro 2:2

Nanfoan fasi chacacoin ato tapimanai cuscari yora ichapafoan ato tanashcani. Ascashon Diospan tsaincoinhuunoa shinanchacatirofo. Ascacashu Diosin ato shinanmapaiyai cuscan funoafo.

2 Pedro 2:18

Nan chanishunifo fasi cacapaimisifo. Ascashon yoitirofo isca huaquin, —Non tapia cuscacai tsoa futsan tapiama. Nan futsafoan atirofoma cuscafin non huatiroquin, —ishon ipaitsi yoifiacanashu chanimisifoquin. Futsafoan ato chacan ramashta shatufiacanashu nan paramisifoan ato yoitiro isca huaquin, —Min futsan ahuin fu ipaiyai cuscafin sharaquin. Ahuunfin min fasi unimatiroquin. Non anoncahuun, —ishon futsan iyotiroquin futsa afanan chaca huamashquin.

Judas 1:4

Futsafoan mato muran nocoi tau cashon man tapicuma mato fomanfo chaca huamisifiacashon. Ascashu nanfocai Diospan yorama. A furicai imisifoma non chaca huamisi cuscan non yoiaiton Upa Diosin Furunhuunshon noco soashona non afu ipanon. Nan fusti non yopai isharashquin. Ascafia nanfoan fasi amaquiri chacacoin mato tapimapaicani. Isca huaquin mato yoipai, —Man Jesús icoinra huashon man apaiyai cuscan man atiroqui. Maton ahuinma fu icain ainfofori aton funuma fu itirofo. Ascashon ahuara chaca futsafo man huapaiyai cuscan man atiro. Non asca huaitocai Dios noco onaintimaimaran, —ishon fasi amaquiri mato yosipaicani. Nocon Ifo Jesucristo fusti nicacasmacani. Nan cuscarafohuunoa Diospan tsain cunuyoni. Ato onaintimaicoinshquin.