2 Corintios 8:4 - Sharanahua: Diospan Tsain

⁴ Yoiafo isca huaquin, —Jesús icoinra huaa futsafo yopaifo cuscan non ato inanpai. Ascacun Judea anoafo non ato pui fomaicai noco foshocapun. Non nocon nomuran unimacoinquin non ato inainran, —ishon noco yoinifo.

2 Corintios 8:4 ပူးပေါင်းရင်းမြစ်များ

Mateo 10:42

Ascano tsoan ua rama icoinra huashon ua tanaiton futsan a shara huaqui unu matsi ayamacun. Ascacun Diosin arifi a futsa shara huaa. Ahuara shara inanshquiain cuscacai funotiromaran, —ishon Jesús noco yoini.

Mateo 12:50

Nan uhuun Upa Dios nai ari icaton ato amapaiyai cuscan huaifo nanfofin uhuun ushtofo yafi uhuun chicofo non uhuun uhuafoquin, —ishon Jesús ato yoini.

Mateo 25:40

Ascaifoan un aton niaifoan un ato yoiqui isca huashquin, “Uhuun yorafo nan ua icoinra huafo futsafoan atohuunoa yoiqui isca huamisi ‘Nancai ahuamaran,’ ishon man yoimisi. Asca nan uhuun yora ahuamafiashu man ato shara huamisi cuscafin nan uari shara huai cafisca man ato huamisiquin,” ishon un ato yoishquin.

Marcos 14:7

Yora ahuuomafo matofu ipanacafo. Ratoran shafatan man ato shara huashotiro. Ascafia un nuno matofu ipanacama man ua shara huanon.

Hechos 11:29

Nicacatan icoinra huafo Antioquía anoafoan pui ichanan huacashon icoinra huaafo Judea mai anoa yopaifoan fomanonfo. Nan inainton inannifo.

Hechos 16:15

Ascaiton icoinra huaino ahuun yorafoanri icoinra huanifo. Icoinra huaifoan ato unu muran iquimani Jesús aton Ifocun ismashcaquin. —Man tapia unrifi nocon Ifo Jesús un icoinra huaquin uhuun pushu ano fucahuun un mato pimanon. Nanno man itiroran, —ishon Lidia noco yoini.

Hechos 24:17

Fari ranan un Jerusalén ano icama. Ascan natian un nasoita uhuun yora ahuuomafo pui inashquin Upa Dios fu tsainti pushu muranri un iquita Upa Dios ahuarafo inanshquin.

Romanos 15:31

Ua cufishocapun Upa Diosin ua cushunon Judea anoa icoinra huamafoan ua ahuusca huanonfoma. Ua cufishocahuun un icoinra huafo Jerusalén anoafo pui un ato inainno unimacoincai finonfo.

1 Corintios 16:1

Natian ahuara futsanhuunoa un mato yoi. Diospan yorafo Jerusalén anoafo ahuuoma. Atohuun ramapaiquin man ato inansharapai. Ascan nan icoinra huafo Galacia anoafo un ato yoia cuscan marifi nanscarifi acahuun.

1 Corintios 16:15

Estéfanas ahuun yorafo Grecia mai anoafoan Jesús icoinra huaquin taucoin huanifo. Man manfin ato oinmisiquin. Man man tapia nanfoan Diosin ahuun yorafo shara huamisifo. Nan cuscarafo nicasharacahuun. Nan atofu yonoafori nicasharacahuun.

2 Corintios 9:1

Mun tapia Jesús icoinra huaa futsafo yopaifo cuscan man ato inanriscapai. Nannori un Macedonian anoafo matohuunoa yoia isca huaquin, —Corinto anoafo fari fusti iquisi itisharafo Jerusalén ano ahuuomafo ato inanshcaquin, —ishon matohuunoa un ato yoia. Man unimayanan ahuuomafo ato inanpaiyaiton nicacaquin arifi ato inanshquicaniquin. Ascacun mancai uhuun cunu fusti yopaima nan pui yopaifo ato fomashquin.

Gálatas 2:10

Man nunoashu nasoaitian ahuuomafohuun ointiaquimayamacahuun. Nan pui non mucua foshotiroran, —ishon noco yoiafo. Nicai un unimacoian. Untsi nanscari huapaiyamai.

Gálatas 6:10

Ascan ahuuscaraifoan oinquin nantifi shara huafafaincahuun. Finonmafain Jesús icoinra huafo shara huafafaincahuun.

1 Timoteo 5:10

Ascan funuoma isharamisi futsafoan ahuunoa isca huaquin yoitiro, —Nan ainfo funuomaton futsafo shara huafafainiran, —ishon ahuunoa yoifain ahuun facufo tapimasharamisiran huafain futsafo ahuun pushu ano nococun ato shara huamisi icain Jesús icoinra huafo shara huafain futsafoan ahuara chaca finoan atori shara huamisi icain futsafo ato shara huamisicain ascara funuomafo ichananfoan ato cushusharatiro.

Hebreos 6:10

Upa Diosin icon fustisi. Amaquiri ahuashta shinantiroma. Ascashon mato shinanfafaini. Man ahuun noiquin ahuun yorafo man shara huashomisi. Ascaquin man Dios ismai man noiai cuscan. Ascashori man unutama ato shara huafafainmisi. Man ato shara huaa cuscan Upa Diosin mato oiainnocai ointi aquimapacunacama.