2 Corintios 4:9 - Sharanahua: Diospan Tsain

⁹ Noco omitsisca huafiainfoancai Upa Diosin noco potapacunacama. Noco rutupaifiaifoanri Upa Diosin noco numa non nanonma.

2 Corintios 4:9 ပူးပေါင်းရင်းမြစ်များ

Salmos 37:28

Nan futsafo shara huamisifofin nocon Ifo Diosin atohuun noicoinquin. Nan ato yoia cusca huamisifocun ato potashquima. Ascashon ato cushupacunaca. Ascan chaca huamisifocai nocon Ifo Diosin aton cushuima. Nanfofin aton facufoya cuyoshquicaniquin.

Salmos 42:11

¿Ahuuscaimun natian un unimaimaquin uhuun nomuran un fasi omitsiscai puusiquima? Natian un Dioshuunoa shinain ua afanan unimamanon. Nanfin uhuun Numamisi icain uhuun Diosiquin. Ascan un afanan ahuunoa yoisharai. Natiancai uhuun nomuran un unimaima. Ascafia Diosin ua shara huashomisi cuscan un shinain afanan ahuunoashu unimashquin.

Salmos 42:5

¿Ascan uhuun Ifon ahuuscaimun natian un unimatama uhuun nomuran un fasi omitsiscai un puusicamaquin? Natianfin un uhuun Diosihuunoa shinaincain afanan ua unimamanon. Nanfin uhuun Numamisi icain uhuun Diosiquin. Ascan natian un afanan ahuunoa yoisharai. Natian uhuun nomuran un unimaima. Ascafia Diosin ua sharahuashomisi cuscan un afanan afohuunoa shinain unimashquin. Nan unu Jordán rufoquiri machi Hermón non machi futsa Misar ano un cahuacacainai cuscan Upa Diosin ua iyosharafoanfafainmisi.

Juan 15:20

Un mato yoia cuscan shinancahuun. Un mato yoia isca huaquin, “Yonomisitocai ahuun ifo finonmatiroma.” Ua omitsiscamacaquin matori omitsisca huashquicani. Un ato yosian cuscan acashon marifi man ato yosiaiton matori nicacoincani.

Romanos 8:35

Tsoancai noco Cristomaqui imatiroma noco noinonma. Non omitsiscacain nocon nomuran fucash huafain non Jesushuunoa yoiaiton noco omitsiscamafain non fonicain nocon sahuuti yopacain noco musumafain noco rutupaifain noco huafiaquicai noco Cristomaqui imatirofoma noco noinonma.

2 Corintios 7:6

Ascafia Upan Diosin nan nomuran ihuuaifo aton nomuran shinanmasharatiro. Ascacun noco Tito nichishoni nanton nocon nomuran shinanmasharanon.

2 Timoteo 3:12

Icon. Ratoranfo nocon Ifo Jesucristohuunoashu isharapaiyaifo omitsisca huashcani.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.