2 Corintios 3:9 - Sharanahua: Diospan Tsain

⁹ Ascacun Moisés yononi cuscan fasi sharafiacun nicayamacanashu natirofo. Ascan natian Furun Cristohuunshon nocon chaca soashotiro non afu isharanon. Nan fasi shara finacaia. Ahua futsacai nan cuscara sharama.

2 Corintios 3:9 ပူးပေါင်းရင်းမြစ်များ

Romanos 4:11

Abraham foshqui rupa shatuataima Upa Dios icoinra huaqui tau huani. Ascacun ahuun chaca soashoni a cuscara shara inon. Ascaino chipo fari ranan finoanno Upa Diosin Abraham yononi, —Min non min yorafori foshqui rupa shatucahuun. Nan foshqui rupa shatushonfin min shinantiro isca huaquin, “Icon Upa Dios un icoinra huacun uhuun chaca ua soashona ua shara huapanaca Upan Diosin ua yoiyoniran,” —ishon Diosin Abraham shinanmani. Ascacufin tsoafo foshqui rupa shatuataima Dios icoinra huashu Abraham ahuun upa cuscara itiro. Afin foshqui rupa shatuataima Upa Dios icoinra huaquin tau huani. Ascacun ahuun chaca soashoni a cuscara shara inon.

1 Corintios 1:30

Dioshuunoashu Jesucristo ahuun yorafo man inon. Cristohuunshon noco cayacafi tapimafain ahuun ointi cuscara noco imashquin noco nashoni nocon chaca soashoshquin non afu nipanon.

1 Corintios 15:41

Nanscarifiai fari non oshu non fishifori sharashtafiashu ascarafosima.

2 Corintios 5:21

Cristocai ahua chaca huayamafiamisicun Apa Diosin nocon chacafo amuran cuyoimani. Ascan ahuunoashu nan cuscara shara non inon.

Gálatas 3:10

Ascan Diosin tsain cununi isca huaquin, —Moisés cununi cuscan ayamacanashu omitsiscai unupacunacafomaran, —ishon cununi. Tsoacai Moisés cununi cuscacoin amisima. Ascacufin ratoran futsan shinanquin isca huai, —Moisés cununi cuscan un aino Upa Diosin uhuun chaca ua soashotiro un afu ipanon, —ishon anori shinanfiaicai ascacointiroma.

2 Pedro 1:1

Unquian Simón Pedro un mato cunu fomai. Unfi Jesucristo ahuun oinmatiquin. Un afu rafumisi. Ua nichini un futsafo ahuun tsain shara yoinon. Un mato shinain. Nocon Diosin nan nocon Numamisi Jesucristo un icoinra huaa cuscan marifi nanscarifi aquin man icoinra huamisi. Ascashon icoinra huacashon man mumisiri nan fasi shara finacoian. Diosin fasi sharacoin matori icoinra huamani.