2 Corintios 3:2 - Sharanahua: Diospan Tsain

² Ascan manfin nocon cunu cuscarafoquin. Ascashufin matohuunoa noco nomuran cunua cuscara. Nantififain oinonfo non mato tapima cuscan man aiton.

2 Corintios 3:2 ပူးပေါင်းရင်းမြစ်များ

Romanos 1:8

Tau huaquin un mato yoisharapai. Man Jesucristo icoinra huacun manifotiton nicamisifo. Ascacun un mato shinanquin un Jesucristohuunshon —¡Aichoran! Upa Diosin, —ishon un yoimisi.

1 Corintios 3:10

Pushu yonomisiton iquisi quishi mutsisipa shara fitiro. Chipo futsafoan pushu anaititiro. Nanscarifiai Diosin ua catonpai ua cashman catonni. Ascashon ua tapimashara cuscan un tau huaquin cayacaficoin un mato Jesushuunoa tapimamisi. Un mato tapimayoni cuscan futsanfoan natian nannoricoinri paratama mato yosicani. Ascaiton futsafo un yoishquin isca huaquin, —¡Oinfain! Ato cayacaficoin yosisharacahuun, —ishon un ato yoishquin.

2 Corintios 11:11

¿Un mato anori yoiquinmun un mato noiama? Ma. Anorimafinquin. Diosin tapian un matohuun noicoin.

2 Corintios 12:15

Ascancunfin nantifi un ahuara ya cuscan un mato inanfain ufiri un inanmui man Jesús tanasharanon. Ascacun un mato noiquin finacoinfiaitocai man ua noiquin finacoinma.

2 Corintios 3:1

¿Ascan uhuunoacai un mato isca huaquin shinanmapaima? —Pablo fasi nocofunu shara. Fasi tapishararan, —ishoncai un mato anori shinanmapaimisima. Noncai ato cuscarama. Man manfin noco oinmisiquin non matofu itiani. Ascan nan cuscara cunucai man nocohuunoa yopaima. ¿Iconmun? Non mato anoashu caitianricai non nan cuscara cunu yopaima futsafo ismashquin.

2 Corintios 7:3

Uncai nan un mato yoiai cuscan un matoqui tsain chaca huashquin yoimisima. Urocon matohuun noicoin un matofu ipapai nan un naitian. Nannori un mato yoimisi.

Filipenses 1:7

Ascacun un fasi matohuun noiquin. Uhuun nomuranshon nannori un mato shinanfafaini. Upa Diosin noco shara huamisi cuscan marifi man man u futan mumisi. Ascacufin ua cunu muran iquimaifotian Upa Diosin ua shara huafain uhuun ointi ua shara huashoni. Nan uhuun ointi ua shara huashoan cuscan marifi man man muumisi. Ascan futsafoan Jesushuunoa amaquiri yoifiaiton un amaquiri aton yositamarocon shafacaficoin un ato yoi tapisharanonfo. Un ato yoimisi isca huaquin, —Jesús noco nashoni nocon chaca soashonano non afu ipanon, —ishon un ato cayacafi yoinon. Upa Diosin ua shinansharamani marifi u futan un muai cuscan man munon.

1 Tesalonicenses 1:8

Macedonia anoafo futan Acaya anoafoan matohuunshon nocon Ifoan tsain nicaquin tau huanifo. Non matohuunoa ato yoiataima noco yoimisifo isca huacaquin, —Tesalónica anoafoan nocon Ifo Jesús fasi icoinra huacoinafo. Ascan Pablo yafi afu rafuafo fasi ato shara huafain yoiaifo cuscan ato nicasharapaicani. Ascashocai afanan ahuara futsa rami huacashon cufitirofoma. Nan Dios natian niacoin icoinra huafain man manayanan yonoshosharatiro.