2 Corintios 2:10 - Sharanahua: Diospan Tsain

¹⁰ Man futsa rau huacun unrifi un nan rau huatiroquin. Ua nantori chaca huaiton Cristohuunshon urifi un rau huatiro. Un asca huaino marifi man unimanon.

2 Corintios 2:10 ပူးပေါင်းရင်းမြစ်များ

Mateo 18:18

Ascacun un mato icon yoi. Ahuara man nunoshon yoia cuscan arifi Dios nan icanoshon nannori yoi. Nanscarifiai man ahuara nunoshon yoiyamaino arifi Dios nan icarishon yoitiroma.

Juan 20:23

Ratoran futsan man aton chaca rauhuacufin Diosin aton chaca soashoshquin. Man aton chaca rau huamafin atohuun nuaquin, —ishon Jesús noco yoini.

2 Corintios 4:6

Diosin shafa oni huataima yoiquin isca huani, —Faquishcun shafan inonran, —ishon yononi. Nanscarifiai non Jesús ifoantaimano nocon ointi nan faquish cuscara chaca ipaoni. Ascan Diosin Jesucristohuunshon nocon ointi muran chashamana non ahuunshon tapinon ahuu cuscara sharamainquin.

2 Corintios 5:20

Nanscacun Cristo noco nichini non ahuun tsain mato yoinon. Non ahuun tsain mato yoiquifin nan Upa Diosicoinin mato yoia huaquin. Upa Diosifin nocohuunshon mato yoiquin. Cristo mato yoipaiyai cuscari non mato yoi. Ascacun noco nicacoincapun. Cristo mato nashoni chacafo mato soashoshquin. Ascacun maton chaca shatucahuun afanan Upa Dios fu rafushcaquin.

2 Corintios 6:6

Noco asca huafiaino chaca huatamarocon nocon nomuran non ahua chaca shinainma. Non Cristo fu rafuaiton noco yosimisi cuscan man non tapia. Noco chaca huafiainfoancai non atoqui sinayamacai funaquima non tunucoinmisi. Ascashon futsafohuun ramapaicain non ato shara huafafainmisi non Diospan Yoshin Sharahuunshon non ato nansca huamisi fuparatama non atohuun noicoinmisi. Non icon fusti yoimisi. Non Diospan curushhuunshon Jesús yonoshomisi. Non nanfo nansca huafafainquin non mato nantifi ismatiro nonmain Diospan oimatifoshon. Satanás noco chaca huamapaifiaiton Upa Diosin ahuun Yoshin Sharapan nan Dios cuscara noco imaino ahuun curushhuunshon non ahuara chacafo potatiro.

Efesios 4:32

Ascatamarocon mafin ranan noinancahuun. Nantifihuun ramapaicahuun. Upa Diosin Cristohuunshon mato rauhua cuscan huafain nanscarifiai rau huatanancahuun.