2 Corintios 1:3 - Sharanahua: Diospan Tsain

^3-4 Non Upa Dios yoisharanon. Isca huaquin, —Upa Diosin, min noco shara huafafaini. ¡Aichoran! —ishon non Upa yoinon. Nanfin nocon Ifo Jesucristo apaquin. Nanrifi nocohuun ramapai. Non omitsiscafiaiton nocon nomuran shinanmasharatiro. Ascano non mua cuscan huafain futsa omitsiscaiton non ahuun ramapaiquin ahuun nomuran non shinanmasharatiro. Ahuara futsan omitsiscamai cuscan non yoisharatiro ahuun nomuran shinanmasharanon.

2 Corintios 1:3 ပူးပေါင်းရင်းမြစ်များ

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Daniel 4:34

Ascan siete fari finontanaino Nabucodonosor yoini isca huaquin, —Unfin Nabucodonosor un Diosi icari nai muran foisicai un afanan niso itamarocon cayacafi un afanan shinanni. Un Diosi cufini isca huaquin, “Diosin min fasi nantifi finoncoian. Min fasi sharacoin nipanaca. Tsoa futsacai mia cuscarama,” ishon un cufini. Nan Diosifin nantifi yorafo iquipacunacaquin. Nan manifotiton aton niaifo faritifi ipanaca.

Daniel 9:9

Non yoitimacoinshon non mia cachiquiri huaa. Ascafia min nocohuun ramapaitan min nocon chaca rau huashotiro.

Juan 20:17

—Ua muyamaquin. Uhuun Upari un cataimacai. Ascan ua muquima. Uhuun yorafo ua ato yoishotacahuun isca huaquin, “Uhuun Upa ari un caicain. Nan uhuun Uparifi maton Upaquin. Nan uhuun Diosifin mato Diosiquin,” ato huatahuun, —huani.

2 Corintios 11:31

Non isca huanon, —Upa Diosin min shararan, —non huapanon. Nan nocon Ifo Jesucristo ahuun Apa nannori non yoipacunon. Nantofin man tapiaquin. Uncai mato paraima.

2 Corintios 7:6

Ascafia Upan Diosin nan nomuran ihuuaifo aton nomuran shinanmasharatiro. Ascacun noco Tito nichishoni nanton nocon nomuran shinanmasharanon.

Efesios 1:17

Ascan nan nocon Ifo Jesucristo Apa Diosifin nocon Upa Diosiriquin. Afin sharacoinquin. Nanscacun un cufifafainmisi ahuun Yoshin Sharahuunshon man shinansharafain ahuun tsainri man tapisharafain finacoinshon man Jesús onansharanon.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Colosenses 1:3

Un mato fasi ichapa shinain. Nan nocon Ifo Jesucristo Apa Dios non mato cufishofafaini. Ascan man non nica man Jesús icoinra huacoincun. Ascashon nan Jesús icoinra huaa futsafohuun man noicoianri man non nicamisi. Ascacun non nocon Upa Diosin yoiquin isca huamisi, —¡Aicho! Upa Diosin Colosas anoafoan min Furun Jesús man tanasharaforan, —ishon mato cufishofafaini.

1 Pedro 1:3

Ascacun nocon Ifo Jesucristo Apa non aicho huapanon. Upa Diosin ahuun Furun Jesús mai murannoa funimani ahuunoashu nocon nomuran fiananan huai a cuscara funasharacoin non inon. Ascan ahuunoashu non nipai aqui non nocoaitian afu ipashquin.

2 Juan 1:4

Upa Diosin noco yononi ahuun tsain iconcoin tanasharanonfo. Atirifi Upan yononi cuscan aiton nicai un fasi unimai.

2 Juan 1:9

Tsoan Cristo yoini cuscan atama futsa tanashu acai Diospan yorama. Ascan Cristo yosini cuscan nan fusti tanacoin Apa Diosin yafi Furun fu rafui.