2 Corintios 1:10 - Sharanahua: Diospan Tsain

^10-11 Ascashu non fasi omitsiscai nacuafiaiton Upa Diosin noco numani. Afananri noco numashqui. Man non icoinra huacun noco numafafainshquin. Noco nansca huaino icoinra huaa futsafoan nocohuunoa shinanquin isca huashcani, —¡Aicho! Upa Diosin, min Pablo yafi afu rafumisifo min nica ato numashqui. Min fasi sharacoinran, —ishon ichapafoan Upa Dios cufishcani.

2 Corintios 1:10 ပူးပေါင်းရင်းမြစ်များ

1 Timoteo 4:10

Ascano non fasi curushu yonoshofafainicain man non omitsiscamisi futsafo nan tsain shara icoinra huanonfo. Nonfin tapia nocon Dios nipanacaton nocori nimapacutiroquin. Afin nantifi yorafo nashoniquin. Ascafia icoinra huafoti afu nipatirofo.

2 Pedro 2:9

Nanscarifi aqui nocon Ifoan ahuun yora sharafotisi numatiro ahuarafoan noco chaca huamapaifafainnai cuscan non anonma. Ascashon nan chaca huamisifori ato onaintimashqui ahuun unutaqui ato omitsiscapanacafo muran potashquin afanan ariashu funonfoma.

Salmos 34:19

Nan ratora futsan Ifo Diosi yonoa cuscan huamisifofia nantori ahuara chaca ichapa finontiro. Ascafia Ifo Diosifin nantifi chaca finoan cuscan numaiquin.

1 Samuel 17:37

Nocon Ifo Diosin ahuun curushhuunshon ua numa ua masharo rafutan rutunonma. Nan masharonunhuan mutsisipafiashon nocon Ifo Diosin ua ahuun curushu inainno ua masharonun piama. Ascan nan Filisteon cuyamasofia Upa Diosin numatiro ua rutunonma, —ishon David yoini. Nannori yoiaiton nicaquin Saúl yoini, —Aqui catahuun. Nocon Ifo Diosi mi fu caiquin, —ishon yoini.

Romanos 15:31

Ua cufishocapun Upa Diosin ua cushunon Judea anoa icoinra huamafoan ua ahuusca huanonfoma. Ua cufishocahuun un icoinra huafo Jerusalén anoafo pui un ato inainno unimacoincai finonfo.

2 Timoteo 4:17

Asca huafiaifoanno nocon Ifo ufu ica. Ahuun curush ua inan un fasi chai ahuun tsain shara uhuun caifoma un yoiaiton cayacaficoin nicasharanonfo. Ascashon nocon Ifoan ua numani masharofo muran ua potanonfoma.

Hechos 26:21

Ascano uhuun caifoan Dios fu tsainti pushu muranshon ua achiafo ua rutushquin.

1 Samuel 7:12

Ascatan nocoafono Samuel toquiri uhuapa nan Mizpa yafi Sen nushmancayan nichini. Ascashon nan toquiri nichimua anuni Eben-ezer onicoinnin tsainman yoia —Nantian nocon Ifo Diosin noco cushushararan, —ishon Samuel anuni.

Daniel 3:17

Noco chii urumanhuan muran potacun nocon Diosin nan non ashomisi cuscan noco numatiro. Niaifon, min niaifofiacun min noco asca huapaiyai cuscan nocon Diosin noco numashquin.

Daniel 6:16

Ascan Darío niaifoan yonoaino futsafoan masharofoan quininhuan muran Daniel potanifo. Potafotaima niaifoan Daniel yoini isca huaquin, —Min Diosi min ashofafaina cuscan mia numapainon masharofoan mia ahuusca huanonfoma, —ishon niaifoan Daniel yoini.

2 Corintios 6:9

—Pablocai ahuama. Noncai na nocofunu oinpaima, —ua huafiaifono Diosifin ua onancoinshon ua noiquin. Futsafoan ua namapaifiaifono un nia. Ua rutuquirashquifiacaqui ua tsoan rutucoianma.