1 Timoteo 1:8 - Sharanahua: Diospan Tsain

⁸ Man non tapia Moisés yononi cuscan shara yosimainquin cayacaficoin futsafoan nicasharatiro isharashcaquin.

1 Timoteo 1:8 ပူးပေါင်းရင်းမြစ်များ

Romanos 12:2

Ahuarafoan Upa Diosimaqui mato imapaiyaifo cuscan atama shinan futsancahuun Diosin mato imapaiyai cuscan aashquin. Man shinanpaoni cuscan afanan shinanyamacahuun. Natian Diosin maton nomuran shinan futsama sharapaiyai cuscan shinancahuun. Man ascaquin man tapitiro Upa Diosin mato imapaiyai cuscan sharacoin. Mato imapaiyai cuscan man aino matoqui unimacointiro. Ahua futsacai man yopatiroma.

Romanos 7:16

Un asca huafiaquin uhuun nomuranshon un shinan, —Upa Diosin Moiséshuunshon noco yononi cuscan sharacoinran, —ishon un shinain. Moisés yononi cuscan nannoricoin un shinain.

Romanos 7:18

Mun tapia Upa Diosin ufu iyamaino un chacacoin. Diosimaisicai un ahuara shara shinantiroma. Un sharapaifiaicai un itiroma.

Romanos 7:22

Uhuun nomuran, —¡Aicho! Upa Diosin ua yonoa cuscan shararan, —ishon shinanfiai un nicayosmamisi. Ua yonoa cuscan mun tapifiashu un nicayosmamisi. Chaca uhuun ifono ufi sharapaiyain cuscan un atiroma. Uncai chaca shatutiroma. Ascano un tapitiro uhuun nomuranshon un Upa Diosin oinmati ipai ua yononi cuscan aashquin. Ascafia un Dios ifo huayamaino un chacapan ahuun oinmati itiro ua yonomapaiyai cuscan aashquin. ¡Ohuashta! Uhuun nomuran un omitsiscai. Unfin chacaquin. ¿Tsoan ua numatiromun chaca afanan uhuun ifo inonma? Nocon Ifo Jesucristohuunshon Upa Diosin noco numani chaca afanan noco ifo inonma. ¡Aicho! Upa Diosin, min noco shara huamisi.

Gálatas 3:21

¿Ascan Upa Diosin inonpacoaifo yoiyoni cuscan yafi Moisés yononi cuscan ascaracoin shinainmamun? Ma. Upa Diosin tsaincai rafuma. Upa Diosin Moisés yononi cuscahuunshon noco nimapacutirocun nanfohuunshon nocon chaca soashocuana non a cuscara shara inon.

2 Timoteo 2:5

Afanan un iscara un mia tapimai. Tsoa futsafo fu cashupai iquisi yonoaifo cuscan nicafain itisharatiro. Ascan itisharayamashocai atirifi shonontiroma. Nanscarifiai Upa Diosin noco inansharapaiyai cuscan fipaiquin iquisi ahuun tsain non nicasharatiro noco yoiai cuscacoin aashquin. Ascano itisharashu chipo non aqui nococun noco inansharapaiyai cuscan non fitiro.