1 Tesalonicenses 4:2 - Sharanahua: Diospan Tsain

² Man man tapian nocon Ifo Jesús noco yononi cuscan nannoricoin non mato tapimapaoni.

1 Tesalonicenses 4:2 ပူးပေါင်းရင်းမြစ်များ

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

1 Corintios 9:21

Nanscarifiai nan Moisés yononi cuscan tanafoma fu un atofu icaino un ato cuscararifi un Moisés yononi cuscan aima ato Jesús icoinra huamashquin. Un nanscafiamisicun Criston ua yononi cuscain un nicasharafafaini. Nan fusticai un cachiquiri huatiroma.

1 Tesalonicenses 4:1

Uhuun yoramishtichin uhuun tsain unutaqui un mato yoinon. Non mato yosipaoni ahuuscashumain man itiroquin Diosin matoqui unimanon. Nan non mato yosipaoni cuscan man man nanscacoian. Ascacun afanan non mato yoi noco nicacoincapun. Man Dios tanashara cuscan nocon Ifo Jesushuunshon fasi finacoinquin tanasharacahuun.

1 Tesalonicenses 4:3

Ascano noco Upa Diosin mato a cuscara shara imapaia man maton ahuinma fu iyamacain ainfofori aton funuma fu inonfoma. Ascan man ascaino nan Jesús icoinra huayamafain Dios onanmisimafoan chaca huamisifo cuscacai huatamarocon nan Diosin yononi cuscan maton ahuin fusti fu man isharatiro.

2 Tesalonicenses 3:10

Man man shinainmun non mato muran ishon non mato yoini isca huaquin, —Tsoan yonoshomacai pitiromaran, —ishon mato yoini.

2 Tesalonicenses 3:6

Uhuun yoramishtichin nocon Ifo Jesucristohuunshon un mato yonoi. Icoinra huaa futsanfoan noco nicacasmatan yonocasmai shanimisifo fu rafuyamacahuun.