1 Samuel 9:15 - Sharanahua: Diospan Tsain

¹⁵ Nan Saúl nocoataima nocon Ifo Diosin Samuel yoini isca huaquin,

1 Samuel 9:15 ပူးပေါင်းရင်းမြစ်များ

Hechos 13:21

Ascatan nocon shunifoan Samuel yoinifo, “Caifo futsa niaifo cuscara noco inanhuun,” huanifo. Ascano Diosin Cispan ahuun facu Saulo catonni aton niaifo inon. Aafin cuarenta fari Israelifoan aton niaifo ipaoniquin. Saulofin Benjamín ahuun funa iniquin.

Hechos 27:23

Un mato yoiai cuscan Diospan oinmati afu nai muran icaton ua yamu tapimana. Unfin Diosin ahuun yoraquin. Un ahuun oinmati. Yamu ahuun oinmati nai muranshon uqui nichian ua yoinon.

1 Samuel 15:1

Asca huacatan shafa futsa Samuel Saúl yoini isca huaquin, —Nocon Ifo Diosin ua yonoa cuscan un nocon caifo Israelifo tapimani nocon Ifo Diosin mia catoan min nocon niaifo inon. Ascacun ua nicahuu, nocon Ifo Diosin mia yoiai cuscan natian un mia yoinon.

1 Samuel 20:2

—¡Ma! Uhuun upancai mia rutuima. ¡Shinanpo! Uhuun upa ahuara huataima ua rufofo yoimisi. Ahuara shara huayamafiaquin ua tapimayomisi. ¿Ascan mia rutupaifiaquin ahuuscai ua yoiyamamun? Ma. Un shinancai iconma, —ishon Jonatán yoiaiton.

1 Samuel 3:21

Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.

1 Samuel 9:14

Nicacatan Saúl fu ahuun oinmati pushu rasi ano mapufainnifo. Nocotoshiquin oianfo Samuel arifi machi mapuaiton oinnifo.

1 Samuel 9:17

Ascano Samuel Saúl fuchishon nan nocon Ifo Diosin yoini, —Un mia yoita cuscan nan nocofunu uhuun yorafoan aton niaifo ishquiran, —ishon ahuun nomuran tapimani.