1 Samuel 8:7 - Sharanahua: Diospan Tsain

⁷ Nantian nocon Ifo Diosin Samuel isca huani, —Mia yoiafo cuscan ato nicahuun. Mia potapaitamarocon ua potapaicani un afanan ato niaifo inonma.

1 Samuel 8:7 ပူးပေါင်းရင်းမြစ်များ

Éxodo 16:8

Icon man tsain chipuai cusca nocohuunoacai man tsain chipuama. Noncai ahuama. Nocon Ifohuunoafin man tsain chaca huamisiquin. Man tsain chaca yoimisi cuscafin nantifi Diosi man nicamisiquin. Ascacun na yatapacu mato nami inain funamarifin mato misi niriashoin. Asca huaino man tapitiro nocon Ifo Diosin na tushu mato inanran, —ishon Moisés ahuun caifo yoini.

Mateo 10:40

Ascano ratoranfoan mato nicafain mato shara huaifo. Nanfoanfin nan uacoin shara huai cafisca mato huacaniquin. Nanscarifi aquin tsoan nan un yoiai cuscan nicacoin yafi nan ua nichini uhuun Upa Dios nicacoin cafisca huaiquin.

Lucas 10:16

Asca huatan Jesús ahuun tanamisifo afanan ato yoiqui isca huani, —Tsoan man yoiai cuscacoin mato nicaquifin nan uacoin nicai cafisca huaiquin. Ascan tsoan mato nicacasmaquifin uarifi nicacasmaiquin. Ascan tsoan ua nicacasmaquifin nan ua nichini uhuun Upan Diosiri nicacasmaiquin, —ishon Jesús ato yoini.

Lucas 19:14

Ascaiton ahuun caifo futsafoan nan noicasmacoinnifo. Ascashu caiton yorafo achon nichinifo. Nan niaifocoin yoiqui isca huanonfo, “Nan nocofunu non niaifo huapaimaran,” huanonfo.

Lucas 19:27

Ascashon nanfoanfin ua noicasmacaquin yoiafoquin, ‘Noncai mia niaifo huapaimaran,’ ishon uhuunoa yoiafo. Ascacun ato ihuucahuun uhuun ointaifi ato rutushcaquin,” ishon yoiniran, —Jesús ato huani.

Juan 13:16

Un mato icon yoi. Yonomisitocai ahuun ifo finontiroma. Nanscarifiai futsan futsa nichian ahuun tsain ato tapimashonon. Nan tsain fomisitoncai nichimisi finontiroma.

1 Samuel 10:19

Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 12:1

Ascashon Samuel nantifi Israelifo yoiquin isca huani, —Nan man ua yoia cuscan mun nantifi nica. Ascano natian un Diosinhuunshon nocon niaifo un catoan nanton noco iquinon.

1 Samuel 12:12

Ascafia man man oian Amonitafoan aton niaifo Nahas ahuun ranushumuafoya nocoqui fuafo noco rutushcaquin. Nanscaino man fasi ratucoian. Ascano uqui man fua. Nocon Ifo Diosin maton niaifofian ua man yoia isca huaquin, “Non niaifo futsan yopai. Nanton noco yonotiroran,” ishon man yoia.

1 Samuel 8:22

Nan Samuel cufini cuscan nocon Ifo Diosin nicaquin cumani isca huaquin, —Mia yoiafo cuscan ato ashohuun. Aton niaifo futsa catohuun, —ishon nocon Ifo Diosin Samuel yoini. Ascan nocon Ifo Diosin yoini cuscan nicain Samuel ahuun yora nan Israelifo yoini isca huaquin, —Maton pushu rasi ano fotacahuun, —ishon ato yoini.

1 Samuel 8:8

Nan un ato Egipcio mai anoshon ihuunitian natianri ua potamisifo caifo futsafoan aton diosfo ramihuafo cufifain ato ahuara huashomisifo. Natianri mia nanscahuapaicani.