1 Samuel 8:6 - Sharanahua: Diospan Tsain

⁶ —Noco niaifo futsa catonshohuun noco yononon, —ishon Samuel yoinifo. Nan nicatan Samuel ahuun nomuran shinancoinni. —Ascaracai sharamaran, —ishon shinanni. Ascashon nocon Ifo Diosi cufini.

1 Samuel 8:6 ပူးပေါင်းရင်းမြစ်များ

Éxodo 32:21

Ascatan ahuun ochi Aarón yocani, —¿Ochin, na yorafoanmun mia ahuusca huacun min ato fasi chaca huamaicain? —ishon yocaiton.

Éxodo 32:32

Ascafia un mia cufin, Ifon, aton chaca rau huapun. Min ato rau huayamaquin nan min libro mia tanamisifo min aton anu cunua mi fu ipamisifo muran uhuun anu nan libro murannoa soahuun, —huaiton.

Números 16:15

Nannori huaifoan nicaquin Moisés atoqui sinaquin nocon Ifo Diosi cufini isca huaquin, —Nafoan mia ahuarafo ismapai min ato catonon. Ascafia ato catonyamahuu, Ifon. Uncai ato ahuara fustishta fianmisima. Aton burro fustishtacai un ato fianmisima. Uncai ato chaca huamisimaran, —ishon Moisés nocon Ifo Diosi cufini.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Números 16:46

Ascatan Moisés Aarón yoini, —Cariscatahuun pala uhuapamashta fiitahuun. Toquirifo putsamuniano Ifo Diosi cufinti camaquishon pala uhuapamashta muran inin shara yafi chii osia nanuhuu. Ascatan nan pala uhuapamashtaya yorafo muran catahuun Diosin aton chaca rauhuanon. Noco tsain chaca huafo cusca nocon Ifo Diosin nan nicain atoqui sinacointana. Ascano natian ato pau isincoin ato fuchimaniran, —ishon Moisés Aarón yoini.

Filipenses 4:6

Ascano shinanchacayamacahuun. Ascatamarocon ahuara ahuuscarafiaino Upa Dios cuficahuun. Man yopai cuscari a yoicahuun. Man cufiaino Upa Dios yoicahuun isca huaquin, —¡Aicho! Upa, min ua nicasharamisi un yopai cuscan min tapishon min ua ashosharamisiran, —ishon cuficahuun.

Santiago 1:5

Ratoran man futsan man ahuashta tapishoma Dios yocacahuun mato tapimanon. —Ua fucashni huayamacahuun, —ishoncai mato Upa Diosin yoinacama. Man tapipaiyai cuscan nantifi unimacainrocon mato tapimashquin.

1 Samuel 10:19

Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 12:12

Ascafia man man oian Amonitafoan aton niaifo Nahas ahuun ranushumuafoya nocoqui fuafo noco rutushcaquin. Nanscaino man fasi ratucoian. Ascano uqui man fua. Nocon Ifo Diosin maton niaifofian ua man yoia isca huaquin, “Non niaifo futsan yopai. Nanton noco yonotiroran,” ishon man yoia.

1 Samuel 12:17

Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.

1 Samuel 15:11

—Saúl ua tanasharayamafain un yonoa cuscan afanan ua nica sharaima. Ascan uhuun nomuran mun fasi shinain. Un Saúl catonyamani niaifo icama shara icuanaran, —ishon nocon Ifo Diosin Samuel yoiaiton nicaquin Samuel arifi fasi shinancoinni. Yamutishon nocon Ifo Diosi cufinshini.

1 Samuel 7:5

Afanan Samuel Israelifo yoini isca huaquin —Uhuun yorafoan, nantifi Mizpa mai ano uqui fucahuun un mato nocon Ifo Diosi cufinshonon, —ishon Samuel ato yoini.