1 Samuel 8:5 - Sharanahua: Diospan Tsain

⁵ Aqui nococatan yoinifo isca huaquin, —Min natian anifoshta. Min noco shara huapaoni cuscacai min facu rafucai ascarama. Nan rafutacai nocon Ifo Diosi tanafoma. Ascacun nan caifo futsafoan aton niaifo cuscaran catonhuun noco yononon, —icashu Samuelqui chaninifo.

1 Samuel 8:5 ပူးပေါင်းရင်းမြစ်များ

Hechos 13:21

Ascatan nocon shunifoan Samuel yoinifo, “Caifo futsa niaifo cuscara noco inanhuun,” huanifo. Ascano Diosin Cispan ahuun facu Saulo catonni aton niaifo inon. Aafin cuarenta fari Israelifoan aton niaifo ipaoniquin. Saulofin Benjamín ahuun funa iniquin.

1 Samuel 10:19

Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 12:13

Ascafia oincapon. Natian nuno maton niaifo. Manfin Saúl catoanquin mato niaifo inon. Man yoca cuscan nocon Ifo Diosin mato niaifo inan.

1 Samuel 12:17

Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.

1 Samuel 12:2

Natianfin man niaifoyaquin nantofin mato yonoiquin. Unfin mun anifoan. Nan un anifoataima non natianrifi un mato sharahuamisi. Nan un pushcoaitian un maton niaifo imisi. Uhuun facufori mato fu iquin.

1 Samuel 9:20

Nan burrofo osha rafu non fusti finoan funoitafo. Nan burrofohuunoa shinanchacayamahuun. Manfin fuchiafoquin. Un mia yoi min non min yorafo nan min caifo Israelifoan mia fuchipaicani min ato niaifo inon, —ishon yoiaiton nicaquin.